స్టార్ మాలో ప్ర‌సారం అవుతున్న 'కార్తీక దీపం' రోజుకో మ‌లుపు తిరుగుతోంది. ర‌స‌వ‌త్త‌రంగా సాగుతూ మ‌హిళా ప్రేక్ష‌కుల చేత కంట‌నీరు పెట్టిస్తోంది. డాక్ట‌ర్ బాబు మార‌డ‌ని తెలుసుకున్న దీప త‌న ఇద్ద‌రు పిల్ల‌ల‌తో సిటీ వ‌దిలి వెళ్లిపోతుంది. ఈ రోజు ఎపిసోడ్ మ‌రింత ఆస‌క్తిక‌రంగా సాగ‌బోతోంది. వార‌ణాసి బంధువుల స‌హా‌యంతో ఓ పాత ఇంటిలో దీప‌ కొత్త కాపురం మొద‌లుపెడుతుంది.

రోడ్డు ప‌క్క‌న ఇడ్లీ బండి పెట్టుకుని జీవ‌నం సాగించాల‌ని నిర్ణ‌యించుకుంటుంది. ఇదిలా వుంటే దీప త‌న‌కు చెప్ప‌కుండా ఊరు వ‌దిలి వెళ్లిపోయింద‌ని ఆమె తండ్రి ముర‌ళీకృష్ణ క‌న్నీరు మున్నీర‌వుతుంటాడు. ఓ సంద‌ర్భంలో దీప పెళ్లి ఫొటోని క‌నిపించ‌కుండా డాక్ట‌ర్ బాబు ప‌క్క‌న ప‌డేసిన ఫొటోని చూస్తూ ముర‌ళీకృష్ణ బాధ‌ప‌డుతుంటాడు. ఇదే స‌మ‌యంలో అక్క‌డ‌కి ఎంట్రీ ఇచ్చిన డాక్ట‌ర్ బాబు ఫొటోని లాగి కింద‌ప‌డేస్తాడు. దీంతో ఆ ఫొటో అద్దం ముక్క‌ల‌వుతుంది.

ఊహించ‌ని ప‌రిణామానికి షాకైన ముర‌ళీకృష్ణ "డాక్ట‌ర్ బాబు ఏంటీ దైర్జ‌న్యం?" అంటూ ఆవేశంతో ఊగిపోతాడు. "ఆడ‌పిల్ల వాళ్లం క‌దా అని ఎప్పుడు ఏది అన్నా స‌హిస్తామ‌నుకుంటున్నావా.. మా స‌హ‌నానికి కూడా ఓ హ‌ద్దుంటుంది." అంటూ ఆగ్ర‌హాన్ని వ్య‌క్తం చేస్తాడు. దీంతో ఇద్ద‌రి మ‌ధ్య దీప గురించి వాదోప‌వాదాలు జ‌రుగుతాయి. దీప ఎక్క‌డుందో చెప్ప‌మంటూ డాక్ట‌ర్ బాబు ముర‌ళీకృష్ణ‌ను నిల‌దీస్తాడు. ఎక్క‌డుందో నాకు తెలియ‌ద‌ని చెప్పినా న‌మ్మ‌క‌పోవ‌డంతో భాగ్యం వచ్చి ఆయ‌న చెప్పేది నిజ‌మే అంటుంది.

దాంతో అక్క‌డి నుంచి ఇంటికి వెళ్లిన డాక్ట‌ర్ బాబు ఏం చేశాడు? దీప ద‌గ్గ‌రి నుంచి హిమ డాక్ట‌ర్ బాబు ద‌గ్గ‌రికి వ‌చ్చేసిందా? వంటి విష‌యాలు తెలుసుకోవాంటే ఈ రోజు ఎపిసోడ్ చూడాల్సిందే.