స్టార్ట్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam 2). ఈ సీరియల్ శనివారం నాటి ఎపిసోడ్ -366 లో.... కాంచన దగ్గరికి దీప వచ్చి.. కార్తీక్ బాబుని జ్యోత్స్న పనివాడిని చేసింది. అన్ని పనులు చేయిస్తుందని ఏడుస్తుంది. దాంతో కాంచనకి కోపం వస్తుంది. మనవరాలిని పెంచే పద్దతి ఇదేనా అంటూ నిలదియ్యాలి.. మా నాన్న దగ్గరికి వెళ్తానని కాంచన అంటుంటే వద్దని దీప అంటుంది.

మరొకవైపు మన రెస్టారెంట్ కి ఆర్డర్స్ బాగా వస్తున్నాయ్.. ఇక ఇలా అయితే మన రెస్టారెంట్ త్వరలోనే మల్లి ఫస్ట్ కి వస్తుందని దశరత్ తో శివన్నారాయణ అంటాడు. అప్పుడే జ్యోత్స్న వస్తుంది. బ్యాగ్ ఏదే అని పారిజాతం అడుగుతుంది. నా అసిస్టెంట్ తీసుకొని వస్తున్నాడని జ్యోత్స్న అంటుంది. అప్పుడే కార్తీక్ జ్యోత్స్న బ్యాగ్ తీసుకొని వస్తాడు. జ్యోత్స్న చెప్పినట్టు కార్తీక్ చేస్తుంటే దశరథ్ తప్ప మిగిలిన వాళ్లంతా నవ్వుకుంటారు. వీడు నువ్వు చెప్తే చేస్తున్నాడంటే నేను నమ్మడం లేదని పారిజాతం అంటుంటే.. నిన్ను నమ్మించాలంటే ఏం చెయ్యాలి.. నువ్వు వెళ్లి తాత షూస్ తీసుకొని రా అని జ్యోత్స్న అనగానే పారిజాతం తీసుకొని వస్తుంది. బావ ఆ షూ క్లీన్ చెయ్ అని జ్యోత్స్న అనగానే సరే అని కార్తీక్ క్లిన్ చేస్తాడు. ఎందుకురా ఇదంతా అని దశరత్ అంటాడు. ఇది సంతకానికి ఉన్న పవర్ మావయ్య అని కార్తీక్ అంటాడు. అదంతా జ్యోత్స్న వీడియో తీస్తుంది.

ఆ తర్వాత కార్తీక్ ని అందరికి భోజనం వడ్డించమని జ్యోత్స్న చెప్తుంది. దాంతో కార్తీక్ ఆలాగే చేస్తాడు. ఆ తర్వాత కార్తీక్ ని జ్యోత్స్న తన రూమ్ కి తీసుకొని వెళ్లి.. ఏసీ ఆన్ చెయ్యమంటుంది. బెడ్ సెట్ చేయమంటుంది. పడుకో జ్యోత్స్న కొన్ని రోజులే కదా ప్రశాంతంగా పడుకునేది అని కార్తీక్ అనేసి వెళ్లిపోతాడు. బావకి ఏదైనా నిజం తెలిసి ఉంటుందా.. ఛాన్స్ లేదు.. ఈ వీడియో ఇప్పుడు దీపకి పంపాలని జ్యోత్స్న అనుకుంటుంది. మరొకవైపు కార్తీక్ అలా చేస్తుంటే చూడలేకపోతున్నాను.. మనమే ఇది ఆపాలని సుమిత్రతో దశరథ్ అంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.