English | Telugu
'జబర్దస్త్' వినోద్ (వినోదిని) పెళ్లి చేసుకున్నాడు!
Updated : Jul 5, 2021
'జబర్దస్త్' షో బుల్లితెరపై నెంబర్ వన్ కామెడీ షోగా దూసుకుపోతుంది. ఈ షోని ఇష్టపడే వాళ్లతో పాటు హేట్ చేసేవాళ్లు కూడా ఉన్నారు. అయినప్పటికీ ఈ షో చాలా మందికి లైఫ్ ఇచ్చిందనే చెప్పాలి. అయితే ఇందులో లేడీ గెటప్పులు వేసే ఆర్టిస్ట్ ల పట్ల సమాజంలో చులకనభావం ఉంటుంది. వారిపై రకరకాల కామెంట్స్ చేస్తుంటారు. పెళ్లికి సంబందించిన ప్రశ్నలతో ఉక్కిరిబిక్కిరి చేస్తుంటారు. సమాజంలో ఎన్నో వేధింపులు ఎదుర్కొంటున్నామంటూ 'జబర్దస్త్' లేడీ గెటప్ ఆర్టిస్ట్ లు చాలా సార్లు బహిరంగంగా కామెంట్స్ చేశారు.
లేడీ గెటప్ వేసే 'జబర్దస్త్' వినోదిని (వినోద్) ఎప్పుడూ వివాదాల్లో చిక్కుకుంటూ ఉంటాడు. ఆ మధ్య ఇంటి యజమాని గొడవతో వార్తల్లో నిలిచాడు. ఇక ఇప్పుడు 'జబర్దస్త్' షోలో కూడా కనిపించడం లేదు. తాజాగా యూట్యూబ్ లోకి ఎంట్రీ ఇచ్చిన ఆయన ఇందులో మొదటి వీడియోతోనే షాకిచ్చాడు. తనకు పెళ్లి జరిగిందంటూ చెబుతూ తన భార్యను పరిచయం చేశాడు.
తన అత్త కూతురు విజయలక్ష్మిని పెళ్లి చేసుకున్నట్లు చెప్పాడు. చిన్నప్పటినుండి కలిసే పెరిగామని.. లాక్ డౌన్ లో తన పెళ్లి జరగడం గమ్మత్తుగా అనిపించిందని తెలిపాడు. చాలా మంది ఎన్నో ఇంటర్వ్యూలలో తనను పెళ్లి గురించి అడిగారని.. వారందరికీ సమాధానం ఇవ్వడానికి తన భార్యతో వీడియో చేస్తున్నట్లు చెప్పాడు వినోద్.