జబర్దస్త్ షో నెక్స్ట్ వీక్ నుంచి సరికొత్త ఎంటర్టైన్మెంట్ తో రాబోతోంది అన్న విషయం తెలిసిందే . ఈ ఎపిసోడ్ ఏఐ వెర్షన్ ప్రోమో అందరినీ అలరిస్తోంది. ఈ మధ్య ఎంత పెద్దవాళ్ళనైనా ఏఐలో చిన్న చిన్న పిల్లల్లా మర్చి వీడియోస్ ని రిలీజ్ చేయడం చూస్తున్నాం. ఇప్పుడు ఈ ప్రోమో కూడా అలాగే వచ్చింది. జడ్జ్ గా కృష్ణ భగవాన్ మళ్ళీ షోలోకి ఎంట్రీ ఇచ్చారు. ఖుష్బూ శివగామిగా, కృష్ణ భగవాన్ బిజ్జల దేవుడుగా కనిపించారు. "జబర్దస్త్ రాజ్యంలోని ప్రజలందరికీ నమస్కారం..ఏవండీ మన రాజ్యం ఎలా ఉంది" అని బిజ్జల దేవుడిని అడిగింది శివగామి. "రాజ్యంలో ప్రజలందరూ బాగున్నారు. డబ్బు, ఆహారానికి కొదువ లేదు. ఆనందమే కొంచెం ఎక్కువ కావాలనుకుంటున్నాడు" అని చెప్పాడు. రాఘవ కట్టప్పగా వచ్చాడు. "జబర్దస్త్ రాజ్యానికి మకిలి పట్టింది. కామెడీతో కడిగెయ్ కట్టప్ప..ఇదే నా మాట నా మాటే శాసనం..ఇక్కడ కామెడీ చేసిన వాళ్ళే శాశ్వతం " అని ఆజ్ఞ ఇచ్చింది. దాంతో రాఘవ ట్రిపుల్ ఆర్ లను పిలిచాడు. "రామ్ గా సద్దాం, భీం గా యాదమ్మ రాజు" వచ్చారు. "ఇక నుంచి మీ కామెడీలో టైమింగ్ బాగుండాలి..కామెడీ పెరగాలి" అని చెప్పింది ఖుష్భూ..."అడవి మనిషిని తల్లి..అర్ధం కాలేదు" అంటూ యాదమ్మ రాజు పెద్ద కామెడీ డైలాగ్ వేసాడు. దేవరాగా ఆటో రాంప్రసాద్ వచ్చాడు. "ఇప్పుడేటి కామెడీ బాగుండాలి అంతే కదా..ఈ దేవర చెప్పాడంటే చేస్తాడని అర్ధం" అన్నాడు. నూకరాజు పుష్ప గెటప్ లో , షెకావత్ గెటప్ లో బులెట్ భాస్కర్, భట్టు గెటప్ లో రాకింగ్ రాకేష్, చారీ గెటప్ లో ప్రవీణ్ వచ్చారు. "ఒరేయ్ ప్రవీణ ఇంతమందిని చూసేసరికి నా గుండేమిట్రా ఇంతలా వణుకుతోంది" అన్నాడు రాకేష్. "ఏముంది గురువుగారు కొత్తగా కామెడీ చేయమంటున్నారుగా గుండె కాదు ఇక నుంచి అన్నీ వణుకుతాయి" అన్నాడు ప్రవీణ్.