ఈ మధ్యకాలంలో బుల్లితెరపై కామెడీ షోలలో బూతులు, డబుల్ మీనింగ్ డైలాగులు ఎక్కువైపోయాయి. యాంకర్లు, కమెడియన్లు ఒకర్ని మించి మరొకరు డబుల్ మీనింగ్ కామెంట్స్ తో రెచ్చిపోతున్నారు. ఈ లిస్ట్ లో యాంకర్ రవి కూడా ఉంటాడు. ఈ మధ్య లాస్యతో కలిసి కామెడీ షోలు మొదలుపెట్టిన యాంకర్ రవి.. తాజాగా అషురెడ్డితో మరో కొత్త షో చేస్తున్నాడు. 

బిగ్ బాస్ షోతో పాపులారిటీ తెచ్చుకున్న అషురెడ్డి ఈ మధ్యకాలంలో లవ్ ఎఫైర్లతో, తన డ్రెస్సింగ్ తో వార్తల్లో నిలుస్తోంది. ప్రస్తుతం రవితో కలిసి ఆమె హోస్ట్ చేస్తోన్న 'హ్యాపీ డేస్' షోకి ఓ మోస్తరు రేటింగ్‌లు వస్తున్నాయి. అప్పట్లో రవి-శ్రీముఖి కలిసి చేసిన 'పటాస్' షోకు జిరాక్స్ కాపీలా ఉంది 'హ్యాపీ డేస్' షో. తాజాగా ఈ షోకి సంబంధించిన ప్రోమోను విడుదల చేశారు. ఇందులో అషురెడ్డి డబుల్ మీనింగ్ డైలాగులతో రెచ్చిపోయింది. 

ఈ షోకి కొంతమంది స్టూడెంట్స్ గెస్ట్ లుగా రాగా.. వారిలో ఒక అమ్మాయి "అషురెడ్డితో కలిసి యాంకరింగ్ చేస్తున్నావ్ కదా.. ఆమెతో సినిమా తీయాల్సి వస్తే ఏం సినిమా తీస్తావ్?" అని ఓ స్టూడెంట్ ప్రశ్నించగా.. దాని రవి తడుముకోకుండా "జఫ్ఫా" అని బదులిచ్చాడు. ఆ తరువాత మరో స్టూడెంట్ రవిని ఉద్దేశిస్తూ.. "మీరు చాలా మంది యాకర్స్ తో చేశారు కదా.. " అని అంటుంటే వెంటనే అషురెడ్డి "ఏం చేశాడు?" అంటూ కుళ్లు జోక్ వేసింది. ఇక అషురెడ్డిని జూనియర్ సమంత అని తెగ పొగిడిన ఓ స్టూడెంట్ స్టేజ్ మీదకొచ్చాక‌.. ర‌వితో, "అన్నా.. ఆమెను ద‌గ్గ‌ర్నుంచి చూస్తుంటే భ‌య‌మేస్తోంది." అంటూ అషు పరువు తీసేశాడు. దాంతో ర‌వి ప‌గ‌ల‌బ‌డి న‌వ్వ‌గా, అషు తెల్ల‌బోతూ స్టూడెంట్ వంక అలాగే చూస్తుండిపోయింది.