స్టార్ మా టీవీలో ప్రసారమవుతున్న సీరియల్ ' ఎటో వెళ్ళిపోయింది మనసు'. ఈ సీరియల్ గురువారం నాటి ఎపిసోడ్ -16 లో.. రామలక్ష్మి ఇంటికి వచ్చేసరికి చిందరవందరగా ఉన్న ఇంట్లో వస్తువులని చూసి షాక్ అవుతుంది. ఏమైందని అడుగగా రింగ్ పోగొట్టుకున్న అతని అమ్మ అంట.. తన మనుషులని తీసుకొని వచ్చి గొడవ చేసిందని పింకీ చెప్తుంది. నేను కొద్దిగా ఆలస్యంగా వచ్చాను. లేదంటే వాళ్ళందరు నా చేతిలో అయిపోయేవాళ్ళు.. డబ్బున్నవాళ్ళ పొగరు చూపించారని మాణిక్యం అంటాడు. ఇప్పుడు వెళ్లి పోలీస్ కంప్లైంట్ ఇస్తానని వెళ్తుంటే.. రామలక్ష్మి ఆపి ఉంగరం కోసం డబ్బు ఉందని వాళ్ళ పొగరు చూపించారు. మనం ఉంగరం ఇచ్చి మన ఆత్మభిమానం చూయించుకున్నాం వదిలేయు నాన్న అని రామలక్ష్మి అనగానే మాణిక్యం ఆగిపోతాడు.

ఆ తర్వాత బాధపడుతున్న వాళ్ళ అమ్మని వంట చేయమని పంపించి.. తన తమ్ముడు, చెల్లెలు కలిసి ఇల్లంతా సర్దుతారు. మరొకవైపు సీతకాంత్ ఫ్యామిలీ అంత భోజనం చేస్తుంటారు. రింగ్ చూస్తూ సీతాకాంత్ హ్యాపీగా ఫీల్ అవుతాడు. ఆ అమ్మాయి హానేస్ట్ గా రింగ్ తీసుకొని వచ్చిందని సీతాకాంత్ చెప్పగానే.. హనెస్టీగా కాదు నేను వెళ్లి బెదిరిస్తే ఇచ్చారని వాళ్ళ అమ్మ శ్రీలత చెప్పగానే.. అసలు ఏమైందని సీతకాంత్ అడుగగా.. రామలక్ష్మి ఇంటికి సెక్యూరిటీతో వెళ్లి గొడవ చేసిన విషయం శ్రీలత చెప్పగానే.. తప్పు చేసావమ్మ అని సీతాకాంత్ అంటాడు. దాంతో అందరు షాక్ అవుతారు. ఆ అమ్మాయి జెన్యూన్ గా ఇచ్చింది. నేను డబ్బులు ఆఫర్ చేస్తే కూడా తీసుకోలేదు. వెరీ ఇన్నోసెంట్ అని సీతాకాంత్ అంటాడు. నిన్ను తప్పు అనట్లేదు.. నీ పేరు చెప్పి వాళ్ళు గొడవ చెయ్యడం తప్పు అంటున్నానని, ఆ అమ్మాయి రింగ్ తీసుకొని వచ్చింది.. సంస్కారం చూపించింది. గొడవ చేసినందుకు సారీ చెప్పడం మన సంస్కారం.. రేపు వెళ్లి చెబ్దామని సీతాకాంత్ అనగానే శ్రీలత సరేనని అంటుంది. సిరి ఇంకా వాళ్ళ తాతయ్య ఒక అమ్మాయి గురించి అన్నయ్య మాట్లాడడం గ్రేట్.. నాకు ఆ అమ్మాయిని చూడాలని అనిపిస్తుందని సిరి అనగానే.. అనిపిస్తే చూసేయ్యడమే అని వాళ్ళ తాతయ్య అంటారు.

మరుసటి రోజు ఉదయం రామలక్ష్మి ఎగ్జామ్స్ ఫీ కట్టడానికి వెళ్తుంటే కొంతమంది మాణిక్యం డబ్బులు ఇవ్వాలి తప్పించుకుంటున్నాడని వస్తారు. మాణిక్యాన్ని కొట్టబోతు ఇంకా కార్ అద్దాలు పగులగొడుతారు. దాంతో రామలక్ష్మి ఎగ్జామ్స్ ఫీ వాళ్ళకి ఇస్తుంది. అప్పుడే క్యాబ్ ఓనర్ వచ్చి కార్ అద్దాలు పగులగొట్టి ఉండడం చూసి కార్ తీసుకొని వెళ్తాడు. రామలక్ష్మి ఎంత బ్రతిమిలాడిన అతను వినకుండా తీసుకొని వెళ్తాడు. ఆ గొడవ అంతా సీతాకాంత్ చూస్తుంటాడు. ఏదో గొడవ జరుగుతుందని రామలక్ష్మి దగ్గరికి రాకుండా దూరంగా వుండే చూస్తాడు. అలా రామలక్ష్మి క్యాబ్ ఓనర్ ని బ్రతమిలాడటం చూసిన సీతాకాంత్ ఏం చేస్తాడు. తనని ఆదుకుంటాడా లేక మనకెందుకని వదిలేస్తాడా తెలియాలంటే తర్వాతి ఎపిసోడ్ వరకు ఆగాల్సిందే.