తెలుగు సీరియల్స్ లో స్టార్ మా టీవీలో ప్రసారమయ్యే సీరియల్స్ కి క్రేజ్ ఎక్కువే ఉంది. ఎందుకంటే వీటిలో కార్తీక దీపం2, బ్రహ్మముడి, గుప్పెడంత మనసు లాంటి సూపర్ హిట్ సీరియల్స్ ప్రసారమవుతున్నాయి. ఇవి తెలుగు ప్రజలకి ఎంతగానో నచ్చేవిగా అత్యధిక టీఆర్పీని సొంతం చేసుకుంటున్నాయి.

బ్రహ్మముడి సీరియల్‌లో కావ్యగా తెలుగు ప్రేక్షకులకు చేరువైన దీపికా రంగరాజు. తన యూట్యూబ్ ఛానల్‌ రకరకాల వీడియోలను షేర్ చేస్తూ బిజీగా మారింది. బ్రహ్మముడి సీరియల్‌తో బాగా పాపులర్ కావడంతో.. దీపిక యూట్యూబ్ ఛానల్‌ అతి తక్కువ కాలంలోనే 97 వేల మంది సబ్ స్క్రైబర్స్‌ని సంపాదించింది దీపిక. ఇక యూట్యూబ్ ద్వారా మంచి ఇన్‌కమ్ జనరేట్ కావడంతో.. ఫుల్ ఫోకస్డ్‌గా తన యూట్యూబ్ ఛానల్‌లో బ్యూటీ, హెల్త్, పర్సనల్ ఇలా రకరకాల వీడియోలను షేర్ చేస్తుంది. తాజాగా కావ్య తన యూట్యూబ్ ఛానెల్ లో " నువ్వు నేను ప్రేమ సీరియల్ లో వన్ ఫన్ డే " అనే వ్లాగ్ చేసింది. ఇందులో ఆ సీరియల్ లోని పద్దు, విక్కీలతో కలిసి మాట్లడుతూ సరదాగా ఎంజాయ్ చేసింది. ఫుల్ పంచులతో నవ్వుతూ అందరిని నవ్వించేస్తోంది కావ్య అలియాస్ దీపిక. కాగా నువ్వు నేను ప్రేమ సీరియల్ లో పద్దు, విక్కీల వెడ్డింగ్ పార్టీ ఉందని, దానికోసం బ్రహ్మముడి కావ్య, రాజ్ లు వెళ్ళారని అది స్పెషల్ ఎపిసోడ్ అని ముందే చెప్పేసింది కావ్య. ఇక అక్కడ షూటింగ్ ఎలా ఉండబోతుందో కొన్ని బైట్స్ ఈ వ్లాగ్ లో చూపించింది. దాంతో ఈ సీరియల్ అభిమానులతో పాటు‌ నెటిజన్లు ఈ వీడియోని తెగ చూసేస్తున్నారు.

బ్రహ్మముడి సీరియల్ లో కావ్య రాజ్ ల జోడికి అభిమానులు కూడా ఎక్కువే. అయితే కావ్య తమిళ అమ్మాయి. తనకి ఈ సీరియలే మొదటిది. కానీ ప్రస్తుతం తను తెలుగు నేర్చుకుంటూ వ్లాగ్స్ తెలుగులోనే చేస్తుంది. ఇక ఢీ షోలో, స్టార్ మా పరివారం షోలో తన కామెడీతో అందరిని కడుపుబ్బా నవ్వించేస్తుంది. బ్రహ్మముడి సీరియల్ తో వచ్చిన గుర్తింపు కంటే కూడా వీకెండ్ లో వచ్చే స్పెషల్ షోలలో దీపిక కామెడీకి ఫ్యాన్ బేస్ ఎక్కువగా ఉంది.