కనకం..‌ ఇప్పుడు స్టార్ మా టీవీ ప్రేక్షకులకు ఎంతగానో ఇష్టమైన క్యారెక్టర్. బుల్లితెర ధారావాహికల్లో బ్రహ్మ ముడి ఒక ప్రత్యేక స్థానాన్ని ఆక్రమించింది. ఈ సీరియల్ మొదలై ముప్పై పై చిలుకు‌ ఎపిసోడ్‌లు పూర్తి కాగా.. ఇందులోని క్యారెక్టర్స్ అన్నీ కూడా సమాజంలో ప్రస్తుతం ‌ఉన్న స్థితిగతులను ప్రతిబింబించేలా ఉండటంతో ప్రేక్షకులు ఈ సీరియల్ కి బ్రహ్మ రథం పడుతున్నారు.

ఇందులో కనకం-కృష్ణమూర్తి ల కుటుంబాన్ని మధ్యతరగతి వాళ్ళలాగా చూపించాడు డైరెక్టర్. బ్రహ్మముడి సీరియల్ లో ఈ దంపతులకు ముగ్గురు కూతుళ్ళు ఉండగా.. ఒక్కో కూతురికి ఒక్కో శైలి ఉంది. అయితే కనకం క్యారెక్టర్ ని అధ్బుతంగా మలిచాడు. ఒక మధ్య తరగతి తల్లి తన కూతురి కోసం కనే కలలను ఇందులో చక్కగా చూపిస్తున్నాడు. కనకం తన కూతుళ్ళకు గొప్పింటి కోడళ్లను చెయ్యాలని అనుకుంటుంది. బ్రహ్మముడి సీరియల్ లో నీప శివ అలియాస్ కనకం.. ఈ మద్యతరగతి తల్లి పాత్రలో ఒదిగిపోయింది. కనకం మంచి ఫ్యామిలీ ఎమోషనల్ ని చూపించడమే కాకుండా కామెడీ వెర్షన్ తో ఆకట్టుకుంటుంది. కనకంకి తెలుగులో బ్రహ్మముడి మొదటి సీరియల్ అయినప్పటికి ఎక్కువ మంది అభిమానులను సంపాదించుకుంది.

తాజాగా ఇంటర్నేషనల్ ఉమెన్స్ డే సందర్బంగా M.L.C కల్వకుంట్ల కవిత చేతుల మీదుగా స్త్రీ శక్తి అవార్డు అందుకుంది. ఇలా కనకంకి కవిత అవార్డుని ఇచ్చే వీడియోని.. ఆమె తన ఇన్ స్టాగ్రామ్ లో షేర్ చేసి ఆనందాన్ని వ్యక్తం చేసింది. ఈ అవార్డు వచ్చినందుకు తను చాలా సంతోషంగా ఉంది. కనకం చేస్తోన్న మొదటి సీరియల్ కె ఈ అవార్డు రావడంతో.. ఇందులోని కనకం క్యారెక్టర్ ని ఇంత ఆదరిస్తున్న ప్రేక్షకులకు చాలా థాంక్స్ అంటూ తన హ్యాపీ నెస్ ని షేర్ చేసుకుంది కనకం.