స్టార్ మా టీవీలో ప్రసారమవుతున్న సీరియల్ 'బ్రహ్మముడి'(Brahmamudi). ఈ సీరియల్ గురువారం నాటి ఎపిసోడ్ -609 లో......రాజ్, కావ్య లు వెళ్తుంటే ఒకతను లిఫ్ట్ అడుగుతాడు. అతను రాజ్, కావ్య లని పరిచయం చేసుకుంటాడు. నా పేరు సావిత్రి అంటూ చెప్పగానే అదేంటి అమ్మాయి పేరు పెట్టుకున్నావని రాజ్, కావ్య అడుగగా.. తన పేరు వెనకున్న స్టోరీని సావిత్రి చెప్పుకొస్తాడు. అదేంటి అంత దరిద్రమైన జాతకమా అని రాజ్ అంటాడు. ఇప్పుడు నేను పెళ్లి చూపులకి వెళ్తున్నానని సావిత్రి చెప్తాడు.

ఆ తర్వాత సావిత్రి వెనకాల కావ్య పక్కన వెళ్లి కూర్చొని ఉంటాడు. మొదట రాజ్ డ్రైవర్ కావ్య మేడమ్ అని చెప్తాడు. దాంతో డ్రైవర్ అంటూ రాజ్ తో మాట్లాడుతాడు సావిత్రి. రాజ్ కి కోపం వస్తుంది. మరొకవైపు కళ్యాణ్ హాస్పిటల్ లో ఒక పోలీస్ మహిళను చూసి అప్పుని గుర్తు చేసుకుంటాడు. అప్పుతో ఉన్న జ్ఞాపకాలు గుర్తుచేసుకుంటాడు. ఆ తర్వాత డ్రైవర్ కార్ ఆపు కొబ్బరి బొండం దగ్గర అని సావిత్రి అనగానే.. రాజ్ కార్ ఆపుతాడు. కావ్య కావాలనే సావిత్రి చెయ్ పట్టుకొని దిగుతుంది. దాంతో రాజ్ కుళ్ళు కుంటాడు. ఆ తర్వాత సావిత్రికి లాయర్ ఫోన్ చేసి కోర్ట్ లో కేసు గెలిచామని అంటాడు. దాంతో మేడం చెయ్ పట్టుకోగానే అదృష్టమని కావ్యని సావిత్రి పొగుడతాడు. దాంతో రాజ్ కి కోపం వచ్చి కొబ్బరి బొండం కాలుపై పడేస్తాడు.

మరొకవైపు నందగోపాల్ తన ఫామ్ హౌస్ కి వస్తాడు. తన గర్ల్ ఫ్రెండ్ ని కాల్ చేసి రమ్మని చెప్తాడు. నువ్వే వచ్చి తీసుకొని వెళ్ళమని తను అనగానే.. సరే అని సెక్యూరిటీకి అన్ని ఏర్పాట్లు చేయమని చెప్పి వెళ్లిపోతాడు. ఆ తర్వాత రాజ్ కావ్య, సావిత్రి వాళ్లు వెళ్తుంటారు. అప్పుడే రాజ్ ఫ్రెండ్ ఫోన్ చేసి నందగోపాల్ అడ్రస్ షేర్ చేస్తున్నానని అంటాడు. సరే వెంటనే వస్తున్నామని రాజ్ అంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.