తెలంగాణలో బతుకమ్మ పండుగ సందర్భంగా ఎంతో మంది సెలబ్రిటీలు ఆటలు ఆడి, పాటలు పాడి బతుమ్మ సెలబ్రేషన్స్ లో పాల్గొని బాగా ఫేమస్ అయ్యారు. అయితే ఇప్పుడు బతుకమ్మ సెలబ్రేషన్స్ తెలంగాణాతో పాటు ప్రపంచం మొత్తం వ్యాపిస్తుంది. ఆస్ట్రేలియాలో బతుకమ్మ జరిపించారని కవితక్క చెప్పింది. ఇప్పుడేమో దుబాయ్ లో బతుకమ్మని సెలబ్రేట్ చేసుకున్నామని, ఈ ఈవెంట్ కి ఇంతమంది జనాలు వస్తారని అనుకోలేదంటూ అనిల్ జీలా తన యూట్యూబ్ ఛానెల్ లో పంచుకున్నాడు.

అనిల్ జీల.. 'హలో వరల్డ్' వెబ్ సిరీస్ తో చాలా మందికి పరిచయం అయినా ఒక యూ ట్యూబేర్... ప్రస్తుతం సోషల్ మీడియాలో మై విలేజ్ షో అనిల్ జీల అండ్ టీమ్ హవా నడుస్తుంది. యూట్యూబర్ గా అనిల్ జీల మంచి గుర్తింపు తెచ్చుకున్నాడు. తెలంగాణాలోని ఒక మారుమూల గ్రామంలో ఉన్న గంగవ్వని పాపులర్ చేసాడు అనిల్ జీల. మై విలేజ్ షో ద్వారా కొత్త టాలెంట్ ని ఎంకరేజ్ చేస్తూ కొంతమందితో కలిసి చిన్న చిన్న వీడియోలు చేస్తూ గుర్తింపు తెచ్చుకోవడంతో పాటు పాపులర్ అయ్యాడు. అనిల్ జీల క్రియేట్ చేసిన 'మై విలేజ్ షో' యూట్యూబ్ ఛానెల్ ద్వారా గంగవ్వకి బిగ్ బాస్ షోలో అవకాశం లభించింది. షోలోకి వెళ్ళాక నాగార్జున సైతం తనకి ప్రోత్సాహం అందించాడు.

యూట్యూబ్ వీడియోల నుండి అనిల్ కెరీర్ మొదలు పెట్టి.. ప్రస్తుతం వెబ్ సిరీస్ లతో బిజీగా గడుపుతున్నాడు. అనిల్ జీల ఎప్పటికప్పుడు విభిన్నంగా ఆలోచిస్తూ సోషల్ మీడియాలో ట్రెండ్ సెట్ చేస్తున్నాడు. లాక్ డౌన్ లో అనిల్ పెళ్లి చేసుకుని పెళ్లి పత్రిక డిఫరెంట్ గా చేయించాడు. అప్పట్లో అది కాస్త వైరల్ గా మారింది. రీసెంట్ గా హలో వరల్డ్ అనే వెబ్ సిరీస్ లో నటించి తన కామెడీతో అందరిని మెప్పించాడు. ట్రెండింగ్ లో ఉన్న కంటెంట్ తీసుకొని వీడియోలు చేయడం అనిల్ స్టైల్ అనే చెప్పాలి. కొన్ని రోజుల క్రితం బిగ్ బాస్ లోకి వెళ్తున్నట్టుగా వార్తలు రావడంతో ఒక్కసారిగా వైరల్ అయ్యాడు. గంగవ్వ, అంజీ ఇంకా "మై విలేజ్ షో" టీమ్ తో కలిసి దుబాయ్ కి వెళ్లిన అనిల్ జీల అక్కడ బతుకమ్మ సెలబ్రేషన్స్ జరుపుకున్నారు. అక్కడికి వచ్చిన తెలుగు అభిమానులని చూసి వాళ్ళంతా షాక్ అయ్యారు. ఎన్నడూ ఇంతమంది జనాలు రాలేదని ఆ ఈవెంట్ ని జరిపిస్తున్న మేనేజర్ చెప్పాడు. ఇప్పుడు అనిల్ జీలా తన యూట్యూబ్ ఛానెల్ లో అప్లోడ్ చేసిన ఈ వీడియో ఫుల్ ట్రెండింగ్ లో ఉంది.