టాలీవుడ్‌లో యాంకర్‌గా గుర్తింపు తెచ్చుకున్న శ్యామల.. కొన్ని చిత్రాల్లో కూడా నటించింది. ఈమె అప్పుడప్పుడు సినిమా ఈవెంట్లు కూడా చేస్తుంటుంది. తెలుగమ్మాయి కావడంతో తమ మాటలతో ప్రేక్షకులను ఆకట్టుకుంటుంది. అయితే శ్యామలను యాంకర్ సుమతో పోలుస్తూ సుమ తరువాత మీరే అని చాలా మంది ఫ్యాన్స్ అనడంతో తెగ పొంగిపోతోంది శ్యామల. సుమతో పోలుస్తూ తనను పొగుడుతుంటే చాలా సంతోషంగా అనిపిస్తుంటుందని చెప్పుకొచ్చింది.

చాలా మంది తమ ఇంట్లో అమ్మాయిలా ఉందని, పద్ధతులు పాటిస్తోందని.. మోడ్రన్ డ్రెస్సులు వేసుకున్నా.. కానీ పద్దతిగానే ఉంటుందని అందరూ చెబుతుంటారని.. మహిళలు తనకు బాగా కనెక్ట్ అవుతుంటారని శ్యామల చెప్పుకొచ్చింది. ఈవెంట్ కోసం బయటకి వెళ్లినప్పుడు చాలా బాగా రిసీవ్ చేసుకుంటారని వెల్లడించింది. కెరీర్ ఆరంభంలో యాంకరింగ్ చేస్తూనే.. సీరియ‌ల్స్‌లో నటించేదాన్ని అని చెప్పిన శ్యామల.. తన భర్త ప్రోత్సాహంతో యాంకరింగ్ మీద దృష్టి పెట్టినట్లు.. అలా తన భర్త స్నేహితుడి ద్వారా 'మా ఊరి వంట' ప్రోగ్రాంలో ఛాన్స్ వచ్చిందని తెలిపింది.

ఇక తన మీద ఇప్పటివరకు ఎలాంటి బ్యాడ్ కామెంట్స్ రాలేదని.. ఎందుకంటే తను వాటికి అవకాశం ఇవ్వలేదని చెప్పుకొచ్చింది. తన జర్నీ చాలా స్మూత్ గా సాగిపోతోందని తెలిపింది. కొంతమంది ఫాస్ట్ రిజల్ట్ కోసం పరుగులు పెడతారని.. ఈ క్రమంలో కొన్ని తప్పులు చేస్తుంటారని.. తను మాత్రం అలాంటి తప్పులు చేయలేదని.. అందుకే బ్యాడ్ కామెంట్స్ రాలేదని చెప్పుకొచ్చింది.