English | Telugu
బిగ్ బాస్ 5: ఉమాదేవి అవుట్!
Updated : Sep 20, 2021
'బిగ్ బాస్-5' నుండి మరో మహిళ ఎలిమినేట్ అయ్యింది. తొలి వారం హౌస్ నుండి సరయును బయటకు పంపిన బిగ్ బాస్... రెండో వారం ఉమాదేవిని పంపించారు. దాంతో బ్యాక్ టు బ్యాక్ ఇద్దరు మహిళలు షో నుండి బయటకు వచ్చినట్టు అయ్యింది. దాంతో నామినేట్ అయిన మిగతావాళ్లు ఊపిరి పీల్చుకున్నారు.
ఉమాదేవితో పాటు రెండో వారంలో ఎలిమినేషన్స్ ప్రక్రియలో నటరాజ్, కాజల్, లోబో, ప్రియాంక, ప్రియ, యాని మాస్టర్ నామినేట్ అయ్యారు. చివరకి నటరాజ్, ఉమాదేవి మధ్య గట్టిపోటీ నెలకొంది. ఇద్దరిలో ఉమాదేవికి తక్కువ ఓట్లు వచ్చాయి. దాంతో ఆమె ఎలిమినేట్ అయ్యారు.
నిజం చెప్పాలంటే... ఉమాదేవి ఎలిమినేషన్ అందరూ ఊహించిందే. తన కోపమే తనకు శత్రువు అన్నట్టు ఉమాదేవి కోపం షో చూసేవాళ్లల్లో ఆమెపై వ్యతిరేక భావం ఏర్పడేలా చేసింది. తోటి సభ్యులను నోటికి వచ్చినట్టు బూతులు తిట్టడం, ఇతరులతో ప్రవర్తించేటప్పుడు విపరీత ధోరణి తమకు నచ్చడం లేదని చాలామంది గతంలో సోషల్ మీడియాలో పోస్టులు చేశారు. ఇప్పుడు ఉమాదేవి తన కోపం, ప్రవర్తన కారణంగా ఎలిమినేట్ అయ్యిందని పలువురు అభిప్రాయపడుతున్నారు.