'ఒక కింగ్... కింగ్ మీద గెలవడానికి వెళ్తే అది బ్యాటిల్. అదే ఒక క్వీన్.. కింగ్ మీద గెలవడానికి వెళ్తే అది బిగ్ బ్యాటిల్.'.. ఈ లైన్ తో 'బిగ్ బ్యాటిల్: కింగ్స్ వర్సెస్ క్వీన్స్' షో స్టార్ట్ కాబోతోంది. "కాంపిటీషన్ మా స్టాండర్డ్ లో ఉండే వాళ్ళతో పెట్టాలి కానీ వీళ్ళతో ఏమిటి? మా ముందు వీళ్లంతా జుజుబీ" అంటూ దివి గ్యాంగ్ ని వెక్కిరించాడు వీజే సన్నీ.

"తుఫాన్ వచ్చేముందు కూడా క్లైమేట్ చాలా కూల్ గా ఉంటుంది. తర్వాతే చాలా వయొలెంట్ గా ఉంటుంది" అంటూ కౌంటర్ ఇచ్చిందిబిందుమాధవి. బిగ్ బాస్ లో ఉండే థ్రిల్ మొత్తాన్ని ఈ ఎపిసోడ్ లో చూపించబోతున్నారు మేకర్స్ . 'బిగ్ బ్యాటిల్: కింగ్స్ వర్సెస్ క్వీన్స్' పేరుతో మరో స్పెషల్ షోతో వచ్చేసింది పాపులర్ రియాలిటీ టీవీ సిరీస్ బిగ్ బాస్ తెలుగు. బిగ్ బాస్ సీజన్ 5 విజేత VJ సన్నీ టీమ్ కింగ్స్‌కు నాయకత్వం వహిస్తుండగా, బిగ్ బాస్ నాన్-స్టాప్ విజేత బిందు మాధవి టీమ్ క్వీన్ నాయకురాలు.

బిగ్ బాస్ కంటెస్టెంట్లు రవికృష్ణ, దివి, మెహబూబ్, అనిల్ రాథోడ్, శివ, మహేష్ విట్టా, రోల్ రైడా, భాను శ్రీ, అరియానా గ్లోరీ, సిరి హన్మంత్, అవినాష్ వంటి చాలామంది ఈ స్పెషల్ షోలో భాగం కానున్నారు. సోషల్ మీడియాలో అభిమానులు కూడా ఈ నాన్ స్టాప్ ఎంటర్టైన్మెంట్ ఎపిసోడ్ కోసం వెయిట్ చేస్తున్నారు. రవి హోస్ట్ చేస్తున్న ఈ స్పెషల్ షో జూలై 24 మధ్యాహ్నం 12 గంటలకు ప్రసారం కానుంది. ఇక ఎపిసోడ్ లో బిగ్ బ్యాటిల్ కింగ్స్ v/s క్వీన్స్ ఎపిసోడ్ లో ఎవరు ఎలా పెర్ఫామ్ చేస్తారో చూడాలి.