శ్రీదేవి డ్రామా కంపెనీ నెక్స్ట్ వీక్ ప్రోమో రీసెంట్ గా రిలీజ్ అయ్యింది. ఇక నెక్స్ట్ వీక్ ఈ షో కాన్సెప్ట్ "నైట్ కాలేజీ"..ఇందులో హైపర్ ఆది సీనియర్ స్టూడెంట్ గా చేసాడు. ఇక భావన ఆరెంజ్ కలర్ శారీలో నైట్ కాలేజీ టీచర్ గా వచ్చి అదరగొట్టే డాన్స్ చేసి ఎంటర్టైన్ చేసింది. అలాగే కొంతమంది గర్ల్స్ స్కూల్ యూనిఫార్మ్స్ లో వచ్చి డాన్స్ పెర్ఫార్మ్ చేశారు. అందులో ఒక అమ్మాయి ఇంద్రజాని ఏడిపించేసింది. తన డాడీకి ఇంద్రజ అంటే చైల్డ్ హుడ్ క్రష్ అని చెప్తూ ఆయన పంపారని ఒక గిఫ్ట్ కూడా ఆమె కోసం తీసుకొచ్చి ఇచ్చింది. ఇంద్రజ ఆ గిఫ్ట్ ప్యాక్ ని ఓపెన్ చేసి చూసి ఒక్కసారిగా షాకయ్యింది.

ఎందుకంటే అవి కాళ్లకు పెట్టుకుని నాట్యం చేసే గజ్జెలు. అవి చూసి కన్నీళ్లు పెట్టేసుకుంది ఇంద్రజ.. ఆ గజ్జెలు తనకు ఎంతో విలువైనవి అని ఇక ముందు ఆ అపురూపమైన గజ్జెలు ఇక ముందు తన పూజ గదిలో ఉంటాయి అని చెప్పింది. ఆ ఆన్సర్ కి ఆ గర్ల్ డాన్సర్ వెళ్లి ఇంద్రజాని హగ్ చేసుకుంది. ఇంద్రజ గతంలో కూడా ఇదే స్టేజి మీద గజ్జె కట్టి డాన్స్ చేసి ఏడ్చేసింది.

మళ్ళీ డాన్స్ చేసే అవకాశం రాదు అనుకున్న టైములో శ్రీదేవి డ్రామా కంపెనీ షోలో మళ్లీ ఒక డాన్సర్ గా డాన్స్ చేసి అందరి దృష్టిని ఆకర్షించడం అందరూ తనని మెచ్చుకోవడంతో ఆమె కన్నీటిపర్యంతమయ్యారు. ఐతే ఇంద్రజ తన చిన్నప్పుడే సంగీతం, శాస్త్రీయ నృత్యంలో కూడా ట్రైనింగ్ తీసుకున్నారు. మాధవపెద్ది మూర్తి వద్ద కూచిపూడి నృత్యరీతులు అభ్యసించింది. ఈమె మూర్తి అండ్ టీమ్ తో పాటు పర్యటించి ఫారెన్ లో ఎన్నో ప్రదర్శనలు ఇచ్చింది. స్కూల్ లో కూడా ఇంద్రజ అనేక సంగీత, నాటక పోటీలలో పాల్గొని బహుమతులు అందుకున్నారు. ఇక లైఫ్ లో పెళ్లి, పిల్లలు, ఇండస్ట్రీతో సరిపోయేసరికి డాన్స్ ని పక్కన పెట్టేయాల్సి వచ్చింది అంటూ కొన్ని ఇంటర్వ్యూస్ లో కూడా చెప్పారు. ఇలా గజ్జెలు కనిపిస్తే చాలు ఆమెకు గత జ్ఞాపకాలు గుర్తొచ్చి కన్నీళ్లు పెట్టుకుంటూ ఉంటారు.