బాస్ సీజన్-7 లో టైటిల్ ఫేవరెట్ గా ఎంట్రీ ఇచ్చిన కంటెస్టెంట్ శివాజీ. తన ఆటతీరుతో, మాటతీరుతో టాప్-5 లో ఒకడిగా ఉంటు వస్తున్నాడు శివాజీ. అయితే నాల్గవ వారం జరిగిన టాస్క్ లో శివాజీ చేతికి బలంగా గాయమైంది. అయితే ఆ వయసులో శివాజీ గేమ్ లో చూపించిన ఆసక్తికి మరింత ఫ్యాన్ ఫాలోయింగ్ పెరిగింది. అప్పటినుండి శివాజీ తన చేతినొప్పి ఇబ్బంది పెడుతున్న మేనేజ్ చేస్తున్నాడు.

అందరు ఈ సీజన్ శివాజీనే విన్నర్ అని అంటున్నారు. కామన్ మ్యాన్ కి అండగా ఉన్నాడు. అన్ని సినిమాలు చేసినగానీ ఏ మాత్రం ఇగో లేకుండా అందరితో కలిసిపోతున్నాడు. గతవారం శివాజీ బయటకి వెళ్ళడంతో అందరు ఎలిమినేటెడ్ అయ్యాడని అనుకున్నారు. కానీ చేతినొప్పి కోసం మెడికల్ టెస్ట్ లకు తీసుకెళ్ళారని తర్వాత తెలిసింది. ఇక హౌస్ లోకి మళ్లీ కమ్ బ్యాక్ ఇచ్చిన శివాజీ రెట్టింపు ఉత్సాహంతో ఉన్నాడు. ప్రతీ గేమ్ లో యాక్టివ్ గా ఉంటూ తన తోటి హౌస్ మేట్స్ కి వెన్నంటే ఉంటున్నాడు. మొన్న జరిగిన టాస్క్ లో బుట్టలోని బాల్స్ ని ఒక్క చేతితో ఫాస్ట్ గా చేసి ప్రేక్షకుల సపోర్ట్ ని పొందాడు. ఇక సీరియల్ బ్యాచ్ చేసే తప్పులని అనుక్షణం కనిపెడుతూ వారి ఫౌల్ గేమ్స్ ని తిప్పికొడుతున్నాడు.

ఇక శోభాశెట్టి లాంటి ఫౌల్ గేమ్ ఆడే కంటెస్టెంట్ కూడా శివాజీ దగ్గరికి వెళ్లి మాట్లాడితే‌.. నువ్వు చేసింది తప్పు అనే చెప్తాడు. ఆటలోనైనా, మాటలోనైన శివాజీ ఒక్కడే హౌస్ లో ఫెయిర్ గేమ్ ఆడుతున్నాడనేది అందరికి తెలిసిన నిజం. ఇక నామినేషన్ల ఓటింగ్ లో శివాజీ ఉన్నాడంటే అతనే టాప్. అది కూడా అత్యధిక మెజారిటీతో నెంబర్ వన్ గా ఉంటాడు. ప్రతి అనఫీషియల్ పోలింగ్ సైట్స్ లో కూడా శివాజీనే టాప్ లో ఉంటూ ఓటింగ్ లో మొనగాడిలా దూసుకుపోతాడు. ఇదే ఫ్యాన్ బేస్ చివరిదాకా కొనసాగితే గ్రాంఢ్ ఫినాలేలో కూడా శివాజీ మొదటి స్థానంలో ఉండి టైటిల్ విజేత అయ్యేలా ఉన్నాడు. అయితే శివాజీ ప్రస్తుతం చేతి గాయంతో కాస్త ఇబ్బంది పడుతున్నాడు. అది సెట్ అవుతే శివాజీకి హౌస్ లో తిరుగులేదనేది వాస్తవం.