"వదినమ్మ" సీరియల్ తో ఫేమ్ తెచ్చుకున్న ప్రియాంక నాయుడు అందరికీ తెలిసిన నటి. ఈ సీరియల్ తర్వాత ఆమె దీపారాధన అనే సీరియల్ తో ఆడియన్స్ కి మరింత దగ్గరయింది. అలాంటి ప్రియాంక ఇప్పుడు కొన్ని ఇబ్బందుల్లో చిక్కుకుంది. ఐతే కొంతమంది స్కామర్లు కారణంగా ఆమె పడుతున్న బాధను ఒక వీడియోగా చేసి ఇన్స్టాగ్రామ్ పేజీలో పోస్ట్ చేసింది. రీసెంట్ గా ఆమె ఒక లోన్ యాప్ ని డౌన్లోడ్ చేసిందట. బేసిక్ ఇన్ఫర్మేషన్ కూడా ఇచ్చినట్లు చెప్పింది. ఐతే తర్వాత అదొక ఫేక్ స్కాం యాప్ అని తెలిసింది. ఆ యాప్ కారణంగా తన ఫోన్ మొత్తం హ్యాక్ అయ్యిందని చెప్పింది. దాంతో ఆ స్కామర్లు తన ఫామిలీ మెంబర్స్ ని, ఫ్రెండ్స్ కి బెదిరింపు కాల్స్ చేస్తున్నారని తనకు ఎంతో భయమేస్తోంది ఆవేదన వ్యక్తం చేసింది.

తన ఫేస్ ని మార్ఫింగ్ చేసి వాటిని అందరికీ పంపిస్తామని బెదిరిస్తున్నారని చెప్పింది. బాగా ఎక్కువ డబ్బులు డిమాండ్ చేస్తున్నారు. అవి ఇవ్వకపోతే తన ఫొటోస్ మొత్తాన్ని సోషల్ మీడియాలో వైరల్ చేస్తామని భయపెడుతున్నారని చెప్పింది ప్రియాంక నాయుడు. తన నంబర్ నుంచి ఎలాంటి మెసేజ్ వచ్చినా కానీ వెంటనే రిపోర్ట్ కొట్టాలని సూచించింది. కాబట్టి ఎవరైనా సరే లోన్ యాప్స్ డౌన్ లోడ్ చేసుకునేటప్పుడు అలెర్ట్ గా ఉండాలని హెచ్చరించింది. ఇక నెటిజన్స్ ఐతే టేక్ కేర్ అక్కా , జాగ్రత్త అంటూ మెసేజెస్ చేస్తున్నారు. నిజం చెప్పాలంటే ఈ మధ్య కాలంలో లోన్ యాప్స్ అనే కాదు రకరకాల యాప్స్ డౌన్ లోడ్ చేసుకుని చాలామంది ఇబ్బందుల్లో పడుతున్నారు. ఒక్కోసారి ప్రాణాలు తీసుకునేంతవరకు కూడా వెళ్తున్నాయి. సోషల్ మీడియాని యాప్స్ కి ఎంతదూరంగా ఉంటె అంత మంచిది అన్న విషయాన్నీ కూడా అందరూ తెలుసుకుంటే కొంత ప్రమాదం నుంచి బయటపడినట్టే.