స్టార్ మా టీవీలో ప్రసారమవుతున్న సీరియల్ 'కృష్ణ ముకుంద మురారి'. ఈ సీరియల్ బుధవారం నాటి ఎపిసోడ్ -261 లో.. ఆదర్శ్ ని ఎలాగైనా ఇంటికి తీసుకొని వస్తానని భవానికి మురారి మాటిస్తాడు. మరొకవైపు కృష్ణ కోసం మురారి ఇల్లంతా వెతుకుతుంటాడు. ఎంత వెతికినా ఎక్కడ చూసిన కృష్ణ కన్పించదు. రేవతి చూసి వచ్చి కూడ కృష్ణ లేదని చెప్తుంది.

ఆ తర్వాత అలేఖ్య వచ్చి కృష్ణ, ముకుంద ఇద్దరు బయటకు వెళ్లారని చెప్తుంది. ఆ తర్వాత మురారి ఫోన్ చేస్తానని చెప్పి కృష్ణ కు ఫోన్ చేస్తాడు. తన ఫోన్ స్విచాఫ్ అని వస్తుంది. కృష్ణకి ముకుంద నిజం చెప్తుందేమోనని మురారీతో రేవతి అంటుంది. నీకేమైనా తెలుసా అని అలేఖ్యని రేవతి అడుగుతుంది. నాకేం తెలియదని అలేఖ్య కవర్ చేస్తుంది. ఆ తర్వాత అలేఖ్య మధు దగ్గరకి వెళ్లి మాట్లాడుతుంది. మరొక వైపు ముకుంద, కృష్ణ ఇద్దరు ఒక దగ్గరకి వెళ్తారు. ఏంటి ముకుంద చెప్పు టాప్ సీక్రెట్ అంటూ.. నా ఫోన్ కూడా స్విచాఫ్ చేసావేంటని ముకుందని కృష్ణ అడుగుతుంది. నువ్వు మురారి ప్రేమించిన అమ్మాయి గురించి తెలుసుకోవాలని అనుకుంటున్నావు కదా అని అనగానే.. అవును నీకు తెలుసా అని కృష్ణ అడుగుతుంది. తెలియడం కాదు నా క్లోజ్ ఫ్రెండ్ అని ముకుంద చెప్పగానే.. ఎక్కడ ఉంటుంది‌. పెళ్లి అయిందా? ఇంకా తను ఏసీపీ సర్ నే ప్రేమిస్తుందా అంటూ కృష్ణ ప్రశ్నలు వేస్తూనే ఉంటుంది. రాధకి పెళ్లి అయింది కానీ ఇంకా మురారీనే ప్రేమిస్తుందని, " నీ ప్రేమ కంటే కూడా రాధ ప్రేమ గొప్పది. తన ప్రేమించిన వాడిని త్యాగం చేసింది" అని తన గురించి తానే గొప్పగా కృష్ణతో ముకుంద చెప్తుంది. తనకంటే నా ప్రేమ గొప్పది. ఎవరి కోసమో తను ప్రేమించిన వాడిని వదులుకుంటే గొప్ప ప్రేమ ఎలా అవుతుంది. మురారిని ప్రాణం కంటే ఎక్కువగా ప్రేమిస్తున్నానని కృష్ణ అంటుంది.

ఆ తర్వాత రాధ చాలా బాధపడుతుంది. మురారి కోసం, రాధ కోసం అయిన నీ ప్రేమని త్యాగం చేయ్ కృష్ణ అని ముకుంద అనగానే.. నువ్వు ఇంకొకసారి అలా అనకు మురారిని వదులుకునేది లేదు. మీ ఫ్రెండ్ రాధకి చెప్పు ఇంకొకసారి ఇలాంటి ఆలోచనని, ప్రపోజల్ ని తీసుకొని రావొద్దని నీక్కూడా చెప్తున్నాను‌. ఇంకొకసారి ఇలా మాట్లాడకు ముకుంద అని కృష్ణ గట్టిగనే వార్నింగ్ ఇస్తుంది. ముకుంద సైలెంట్ గా ఉంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.