English | Telugu
'ఆకలి విలువ అంటే ఏంటో మాకు తెలిసొచ్చింది'.. ఎమోషనల్ అయిన శాంతిస్వరూప్!
Updated : Nov 7, 2022
'జబర్దస్త్’ కామెడీ షో గురించి ప్రత్యేకంగా చెప్పక్కర్లేదు. ఈ షో ద్వారా పరిచయం అయిన కమెడియన్స్ సిల్వర్ స్క్రీన్ మీదకూడా తమదైన ముద్ర వేస్తున్నారు. ఇక జబర్దస్త్ షోలో లేడీ గెటప్స్ వేసే వారి గురించి కచ్చితంగా చెప్పుకోవాలి. ఇప్పుడు వీళ్లంతా క్యాష్ షోకి వచ్చారు. ఈ షో ప్రోమో రీసెంట్ గా రిలీజ్ అయ్యింది. ఈ ఎపిసోడ్ కు జబర్దస్త్ స్త్రీ పాత్రధారులు శాంతి స్వరూప్, మోహన్, హరిత, సాయిలేఖ వాళ్ళ పేరెంట్స్ తో కలిసి వచ్చారు.
శాంతి స్వరూప్ తన తల్లితో కలిసి ఈ షోకి వచ్చాడు. తన జీవితంలో పడిన కష్టాల గురించి చెప్పిఎమోషనల్ అయ్యాడు శాంతి స్వరూప్. "మా అమ్మ చాలా ఇళ్లలో పాచిపని చేసేది. అప్పుడు ఆకలి విలువ అంటే ఏంటో మాకు తెలిసొచ్చింది" అని చెప్పి భావోద్వేగానికి గురయ్యాడు.
"మా అమ్మకు చిన్నతనం నుంచి గొంతు సరిగ్గా రాదు, స్పష్టంగా మాట్లాడలేదు..ఏదో మాట్లాడాలనుకుటుంది కానీ మాట్లాడలేదు" అని చెప్పికన్నీళ్లు పెట్టుకున్నాడు. ఈ క్రమంలోనే శాంతి స్వరూప్ గురించి తల్లి సరోజనమ్మ మాట్లాడుతూ.. "నా కొడుకే నన్ను బతికిస్తున్నాడు. ఆస్పత్రుల చూట్టు తిప్పుతున్నాడు” అని కన్నీటి పర్యంతమైంది. దాంతో స్టేజి మీద ఉన్న వారంతా భావోద్వేగానికి లోనయ్యారు.