స్టార్ మా టీవీలో ప్రసారమవుతున్న సీరియల్ ' ఎటో వెళ్లిపోయింది మనసు'. ఈ సీరియల్ మంగళవారం నాటి ఎపిసోడ్ -120 లో....రామలక్ష్మికి ఏమైనా అవుతుందేమోనని సీతాకాంత్భయపడుతుంటే మరొకవైపు సందీప్ , మాణిక్యం ఇద్దరు గొడవ పడతారు. దాంతో సీతాకాంత్ కోపంగా అందరు ఇక్కడ నుండి వెళ్లిపోండి.. రామలక్ష్మికి ఈ సిచువేషన్ రావడానికి కారణం మీరే అని సీతాకాంత్ కోప్పడతాడు. మా అమ్మాయిని ఆ సిచువేషన్ లో వదిలేసి ఎలా బయటకు వెళ్తామని సుజాత అనగానే.. రామలక్ష్మి ని చూసుకోవడం నా బాధ్యత మీరు వెళ్ళండని మాణిక్యం వాళ్ళని బయటకు పంపిస్తాడు సీతాకాంత్.

ఆ తర్వాత శ్రీలత, సందీప్ లు అసలు ఎందుకిలా జరిగిందని ఆలోచిస్తారు. అభి నుండి రామలక్ష్మిని సీతాకాంత్ కాపాడాడని శ్రీలత అంటుంది. అలా అయితే ఇద్దరు ఒకేసారి ఎందుకు ఇంటికి రాలేదు. ముందు బావ గారు వచ్చి ఆ తర్వాత రామలక్ష్మి ఎంట్రీ ఎందుకు ఇచ్చినట్లని శ్రీవల్లి అంటుంది. అవును నిజమే అని సందీప్ అంటాడు. సీతాకాంత్ రామలక్ష్మిని కాపాడాక ఏదో జరిగింది.. అదేంటో కనుక్కోవాలని శ్రీలత అనుకుంటుంది. అభి కి ఫోన్ చేస్తుంటే ఫోన్ కలవకపోవడంతో అభి దగ్గరికి వెళ్ళాలని సందీప్ శ్రీలత ఇద్దరు బయల్దేరతారు. నేను వస్తానని శ్రీవల్లి అనగానే.. అవసరం లేదంటు వాళ్లే వెళ్తారు. ఆ తర్వాత సీతాకాంత్ రామలక్ష్మిని కంటికి రెప్పలా చూసుకుంటూ ఉంటాడు. అప్పుడే స్వామి వస్తాడు. రామలక్ష్మి ని ఈ సిచువేషన్ లో చూడలేకపోతున్నానని సీతాకాంత్ అంటాడు. రామలక్ష్మికి ప్రమాదం జరగడం వల్లే కదా నువ్వు తనని కాపాడుకున్నావ్.. తను తిరిగి వచ్చి నీ చేత్తో తాళి కట్టించుకుందని స్వామి అంటాడు. అన్ని మీరు చెప్పినట్టే జరుగుతున్నాయి. మీరు కట్టిన రక్షనే తనని కాపాడిందని సీతాకాంత్ అంటాడు. రామలక్ష్మి స్పృహలోకి వచ్చాక.. రేపు నా దగ్గరికి రండీ మీకు కొన్ని విషయాలు చెప్పాలని సీతాకాంత్ తో స్వామి చెప్పి వెళ్ళిపోతాడు.

ఆ తర్వాత పెద్దాయన సీతాకాంత్ దగ్గరికి వచ్చి మాట్లాడతాడు. మరొకవైపు శ్రీలత, సందీప్ ఇద్దరు అభి కోసం వెళ్లి అక్కడ అభి లేడని వస్తారు. మరుసటి రోజు ఉదయం రామలక్ష్మి నిద్ర లేచి జరిగింది మొత్తం గుర్తుకుచేసుకుంటుంది. శ్రీలతతో అభి మాట్లాడడం రామలక్ష్మి విన్నది గుర్తుకుచేసుకొని.. అంటే ఇదంతా సీతాకాంత్ సర్ వాళ్ళ అమ్మ చేస్తుందా.. సర్ పెళ్లి చేసుకోకుండా చేసి, ఈ ఆస్తులు తన సొంత కొడుకికి ఇవ్వాలని అనుకుంటుందా.. అంటే సీతకాంత్ ని ఒక డబ్బులు సంపాదించే మిషన్ లాగా చూస్తుందా అని రామలక్ష్మి అనుకుంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే