స్టార్ మా టీవీలో ప్రసారమవుతున్న సీరియల్ ' ఎటో వెళ్ళిపోయింది మనసు'. ఈ సీరియల్ బుధవారం నాటి ఎపిసోడ్ -109 లో.. అభి ఇంటికి మాణిక్యం వస్తాడు. అక్కడ ఇంటికి తాళం వేసి ఉంటుంది. అప్పుడే ఒకతను వచ్చి.. ఈ ఇంట్లో వాళ్ళు రాత్రికి రాత్రే ఎక్కడికో వెళ్లిపోయారని చెప్తాడు. ఈ విషయం మీ అల్లుడు చెప్పలేదా అతను కూడా ఇక్కడికి వచ్చాడని చెప్పగానే.. అల్లుడు ఎందుకు ఇక్కడికి వచ్చాడు? ఏదో రహస్యం నడుస్తుందని మాణిక్యం అనుకుంటాడు.

ఆ తర్వాత రామలక్ష్మికి స్వామి ఇచ్చిన చీరను సీతాకాంత్ తీసుకొని వస్తాడు. రామలక్ష్మికి ఇస్తాడు. ఇప్పుడు ఇదెందుకు తెచ్చారనగానే.. స్వామి ఇచ్చాడు.. ఇక నీకు ఎలాంటి ప్రాబ్లమ్ రాదు ప్రశాంతంగా ఉంటావ్.. ఇక అన్ని ఇబ్బందులు తొలగిపోయి.. హ్యాపీ గా ఉండాలని సీతాకాంత్ చెప్తాడు. అప్పుడే శ్రీలత వచ్చి.. నువ్వు మారిపోయావు.. ఇలా మారిపోతావనుకులేదని అనగానే.. నేనేం మారిపోయాను రామలక్ష్మికి చీర తెచ్చానని అంటున్నవా అని సీతాకాంత్ అడుగుతాడు. ఎందుకు అంటున్నానో రేపు ప్రొద్దున అర్థం అవుతుందని శ్రీలత చెప్పేసి వెళ్ళిపోతుంది. ఎందుకు అలా అంటుందని రామలక్ష్మి అంటుంది. రేపు ప్రొద్దున తెలుస్తుందని అమ్మ చెప్పింది కదా అని సీతాకాంత్ అంటాడు. ఆ తర్వాత ధన డల్ గా కూర్చొని ఉంటాడు. అప్పుడే సిరి వచ్చి.. నీ బిజినెస్ గురించి చెప్పట్లేదని అడుగుతుంది. నేను బిజినెస్ చెయ్యట్లేదు.. నాకు ఇంట్రెస్ట్ లేదని ధన అంటాడు. అప్పుడే సీతాకాంత్ వచ్చి.. ఎందుకు ఇంట్రస్ట్ లేదు..‌ప్లాన్ ఇవ్వు.. ఫండ్స్ రిలీజ్ చేస్తానని చెప్పాను కదా అని సీతాకాంత్ అంటాడు. మీరు ఇచ్చేది నా ప్లానింగ్ కి సరిపోదని ధన అంటాడు. బిజినెస్ లో మొదటగా తక్కువ పెట్టుబడితో ఉండాలి.. లేదంటే నష్టం వచ్చే అవకాశం ఉందని ధనకి అర్థమయ్యేలా సీతాకాంత్ చెప్తాడు.

మరుసటి రోజు ఉదయం రామలక్ష్మిని డిస్టబ్ చెయ్యొద్దని సీతాకాంత్ అనుకుంటాడు. కానీ రామలక్ష్మి నిద్ర లేస్తుంది. ఆ తర్వాత సీతాకాంత్ తన తండ్రి ఫోటో దగ్గరికి వెళ్లి ఎమోషనల్ అవుతాడు. ఆ తర్వాత అందరు ఫోటో దగ్గరికి వస్తారు. నేను ఇంకా మీ నాన్న పుట్టినరోజు మర్చిపోయావని అనుకున్నానని శ్రీలత అనగానే.. అలా ఎలా మర్చిపోతాను.. నాన్నే నా జీవితమని సీతాకాంత్ చెప్తాడు. కాసేపటికి మీ మావయ్య ఫోటో దగ్గర దీపం పెట్టమని రామలక్ష్మికి పెద్దాయన చెప్తాడు. రామలక్ష్మి దీపం పెడుతుంటే శ్రీలత ఆపుతుంది. నీకు అర్హత లేదు.. మీ నాన్న వాళ్లే అతను చనిపోయాడు.. మీ నీడ కూడా పడడానికి వీలు లేదంటు రామలక్ష్మిని శ్రీలత తిడుతుంది. అలాంటప్పుడు ఇక్కడికి ఎందుకు పిలిచారని ధన అడుగుతాడు. బుద్ది లేక.. ఆ బుద్ది లేకే నువ్వు ఈ ఇంటికి అల్లుడివి అయ్యావని ధనని శ్రీలత అంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.