English | Telugu
మా మధ్య గ్యాప్ కి కారణం వాళ్ళే..అందుకే పవన్ పెళ్ళికి రాలేదు!
Updated : Dec 21, 2022
పవన్ కళ్యాణ్, అలీ జంటను మూవీస్ లో చూస్తే చాలు నవ్వొచ్చేస్తుంది. పవన్ కళ్యాణ్ హీరోగా చేసిన ప్రతి మూవీలో ఆలీకి కచ్చితంగా ఒక పాత్ర ఉంటుంది. ఐతే రాజకీయంగా కొంతకాలం నుంచి పవన్ కి ఆలీకి మధ్యన కాస్త గ్యాప్ వచ్చింది. రాజకీయ కారణాలతో వీళ్ళు విడిపోయారనే ప్రచారం బయట బాగా జరుగుతుండేసరికి ఆలీ దానికి సరైన సమాధానం ఇచ్చారు. యాంకర్ సుమ ప్రశ్నకు సమాధానంగా… పవన్ కళ్యాణ్ తో నాకు ఎలాంటి గ్యాప్ రాలేదు. కొంతమంది కావాలనే గ్యాప్ క్రియేట్ చేశారు.
మీడియాలో ఏవేవో కథనాలు ప్రచారం చేశారు. అవే నిజం అనుకుని జనాలు నమ్మేశారు. నా కూతురు వివాహానికి పవన్ కళ్యాణ్ ని ఇన్వైట్ చేయడానికి ఆయన నటిస్తున్న మూవీ సినిమా సెట్స్ కి వెళ్ళాను. అదే టైములో వేరే వాళ్ళు కూడా ఆయన్ని కలవడానికి వచ్చారు. వాళ్ళను వెయిట్ చేయమని చెప్పి పవన్ నన్ను కలిశారు. దాదాపు 15 నిమిషాలు మేము సరదాగా మాట్లాడుకున్నాము. మా అమ్మాయి పెళ్ళికి ఆయన రావాల్సి ఉంది. ఐతే లాస్ట్ మినిట్ లో ఫ్లైట్ క్యాన్సిల్ కావడంతో ఆయన రాలేకపోయారు. మా అమ్మాయి పెళ్లికి పవన్ రాకపోవడానికి కారణం అదే. అంతకు మించి మా మధ్య ఎలాంటి గ్యాప్ అనేది లేదు.