స్టార్ మా టీవీలో ప్రసారమవుతున్న సీరియల్ 'బ్రహ్మముడి'(Brahmamudi). ఈ సీరియల్ సోమవారం నాటి ఎపిసోడ్ -612 లో.....రాజ్, కావ్య రాత్రి ఇంటికి వస్తారు. భోజనం చేయండని అపర్ణ పిలుస్తుంది. ఆకలిగా లేదు బిజీ ఉండి మధ్యాహ్నం తినలేదు.. ఈవ్ నింగ్ తిన్నామని రాజ్ చెప్పి వెళ్లిపోతాడు. దాంతో వాళ్లు బయట ఇష్టమైన ఫుడ్ తిని వస్తున్నారు. మనం ఈ గడ్డి తినాలా అని ధాన్యలక్ష్మి అంటుంది. వాళ్ళు బిజీ ఉండి తిని వచ్చారని చెప్పారు కదా అని ప్రకాష్ అనగానే.. వాళ్ళ గురించి ఎవరికి అర్ధమవ్వడం లేదని ధాన్యలక్ష్మి కోప్పడి వెళ్ళిపోతుంది. మా బావకి ఆ సిచువేషన్ వచ్చినప్పటి నుండి అందరు ఇష్టం వచ్చినట్లు నడుచుకుంటున్నారు రాజ్, కావ్య అయిన అర్ధం చేసుకొని ఉంటారంటే వాళ్లు అలాగే ఉన్నారని ఇందిరాదేవి అంటుంది.

మరుసటి రోజు ఉదయం జగదీశ్చంద్ర చెయ్యమన్న నగలు తయారు చేసి వచ్చినవి చూసి చాలా బాగున్నాయి.. ఇదంతా నీ వళ్లే అని కావ్యని రాజ్ పొగుడుతాడు. ఆ తర్వాత సెక్యూరిటీని పిలిచి నగలు లాకర్ లో పెట్టి లాక్ వేసి రాజ్ తీసుకుంటాడు. సెక్యూరిటీలని అందరిని జాగ్రత్తగా ఉండమని రాజ్ చెప్తాడు. ఆ తర్వాత కావ్యని తీసుకొని రాజ్ ఇంటికి వెళ్తాడు. ఆ తర్వాత రాజ్ కంపెనీలోని సెక్యూరిటీకి అనామిక ఫోన్ చేసి.. నీకు లైఫ్ సెటిల్ అయ్యే డబ్బు ఇస్తాను.. నేను చెప్పినట్టు చెయ్ ఒక డూప్లికేట్ కిరీటం పంపిస్తాను. అది అక్కడ పెట్టి వొరిజినల్ ది నేను పంపినా.. నాకు పంపివ్వమని అనామిక చెప్తుంది. దానికి సెక్యూరిటీ సరే అంటాడు. మరొకవైపు రాజ్ పడుకుంటే రేపు మిగతా నగల గురించి ప్రెజెంటేషన్ ఉంది.. అది ప్రిపేర్ అవ్వమని కావ్య లేపుతుంది కానీ రాజ్ లేవడు.

ఆ తర్వాత సెక్యూరిటీ మిగతా సెక్యూరిటీలకి కాఫీలో ఏదో కలిపి ఇవ్వడంతో అందరూ మత్తులోకి వెళ్ళిపోతారు. అనామిక పంపిన వ్యక్తి వచ్చి డూప్లికేట్ కిరీటం సెక్యూరిటీకి ఇస్తాడు. అతను లాకర్ దగ్గరికి వెళ్లి తన దగ్గరున్న డూప్లికేట్ 'కీ' తో లాకర్ తీసి కిరీటం అందులో పెట్టి వెరిజినల్ ది అనామికకి పంపిస్తాడు. ఆ తర్వాత సెక్యూరిటీ ఆ విషయం అనామికకి ఫోన్ చేసి చెప్తాడు. మరుసటి రోజు నిద్ర లేవండి అంటూ రాజ్ ని నిద్రలేపుతుంది కావ్య. తరువాయి భాగంలో కావ్యకి అనామిక ఫోన్ చేసి.. నీ భర్తతో పాటు నీకు అవమానం జరగాలి కదా అంటుంది. అసలేం జరిగిందని రాజ్ కి కావ్య ఫోన్ చేస్తుంటే అతను ఫోన్ లిఫ్ట్ చెయ్యడు. ఆ తర్వాత జగదీశ్ చంద్ర వాళ్లు కిరీటం చూసి.. ఇది డూప్లికేట్ ది ఇంత మోసం చేస్తారా అని రాజ్ పై కోప్పడతాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.