స్టార్ మా టీవీలో ప్రసారమవుతున్న సీరియల్ 'బ్రహ్మముడి'. ఈ సీరియల్ శనివారం నాటి ఎపిసోడ్ -389 లో....బాబుని తన తల్లికి అప్పగించు.. లేదంటే నేను ఒక నిర్ణయం తీసుకోవాల్సి ఉంటుంది. ఇప్పటికే బాబు కోసం నీ హోదా, అధికారం అంతా కోల్పోయావ్.. ఇప్పుడు ఈ ఇంటిని, అమ్మని ఇంటితో ఉన్న అన్ని బంధాల్ని వదిలేసి శాశ్వతంగా ఇంటి నుండి వెళ్ళిపోవాలని అపర్ణ అంటుంది.

అలా అంటున్నావేంటని ధాన్యలక్ష్మి అంటుంది. అలా అని కన్నకొడుకుని వదిలేస్తావా అని సుభాష్ అంటాడు. వాడే ఈ అమ్మని వదులుకోవాలని అనుకుంటున్నాడని అపర్ణ అంటుంది. ఏంటి అపర్ణ.. కన్నతల్లివి కసాయిదానిలాగా ప్రవర్తిస్తున్నావ్? అన్ని దూరం చేసావ్.. ఇప్పుడు ఇలా వాన్ని ఇంటికి దూరం చేస్తావా అని ఇందిరాదేవి కోప్పడుతుంది. మరి నిజం చెప్పడం లేదు కదా.. ఇప్పుడు ఆ బాబుకి ఏమైనా అయితే మనం సమాధానం చెప్పాలి. అయినా నోరు విప్పడం లేదని ఇందిరాదేవితో అపర్ణ అంటుంది. రాహుల్ లాంటి వాన్ని క్షమించారు.. అసలు ఏ తప్పు చెయ్యని రాజ్ కి శిక్ష ఎందుకు? ఇప్పుడు నిర్ణయం తీసుకోకండి.. కొంచెం టైమ్ ఇవ్వండి అని స్వప్న అనగానే.. సరే ఈ వారం రోజులు టైమ్ ఇస్తున్నాను. ఆ తర్వాత నిజం చెప్పకుంటే రాజ్ ఈ ఇల్లు వదిలి వెళ్ళిపోవాలని అపర్ణ చెప్తుంది. మరొకవైపు రాజ్ ఇంటినుండి వెళ్ళిపోతున్నాడని రాహుల్, రుద్రాణి ఇద్దరు హ్యాపీగా ఫీల్ అవుతారు. ఇంత కఠిన నిర్ణయం ఎందుకు తీసుకున్నావని అపర్ణని ఇందిరాదేవి అడుగుతుంది. ఇదంతా నీవల్లే ఆ రోజు నువ్వు వాడికి భోజనం పెట్టకుండా ఉంటే బాగుండని కావ్యని అపర్ణ అంటుంది. మరి నిజం ఎలా తెలుస్తుందని కావ్య అంటుంది. ఇప్పుడు వాడికి తల్లి కావాలో అజ్ఞానతంలో పుట్టిన బిడ్డ కావాలో వాడే తేల్చుకోవాలని ఇందిరాదేవితో అపర్ణ అంటుంది.

ఆ తర్వాత బాబుని ఎత్తుకొని సుభాష్ బయటకు వెళ్తుంటే.. రాజ్ వెనకాలే వెళ్తాడు. వాళ్ళు వెళ్లడం చూసిన కావ్య ఏదో జరుగుతుందని వాళ్ళ వెనకాలే వెళ్తుంది. ఆ తర్వాత సుభాష్ కార్ కి అడ్డుగా రాజ్ మరో కార్ తో వెళ్లి ఆపేస్తాడు. ఎక్కడికి తీసుకొని వెళ్తున్నారని సుభాష్ ని రాజ్ అడుగుతాడు. నిన్ను ఒక దోషిగా చూడడం నాకు ఇష్టం లేదు.. అంతా చెప్పాల్సి వస్తే ఆ నిజం నేనే చెప్పేస్తానని సుభాష్ అంటాడు. ఎవరికి ఆ నిజం చెప్పనని మాటిచ్చారని రాజ్ అంటాడు. బాబుని తీసుకొని రాజ్ వెళ్ళిపోతాడు. వాళ్ళ మాటలు దూరంగా విన్న కావ్య.. అంటే నిజం మావయ్య గారికి తెలుసన్నమాట.. ఎలాగైనా అడిగి తెలుసుకోవాలని అనుకుంటుంది. మరొకవైపు సేట్ దగ్గరికి వెళ్లి.. స్వప్నకి రాసిచ్చిన ఆస్తి తాకట్టు పెట్టి డబ్బులు తీసుకోవాలని రాహుల్ అనుకుంటాడు. స్వప్న ఆస్తి తాకట్టు పెట్టిందని ఇంట్లో వాళ్ళకి చెప్పు.. వాళ్ళు డబ్బులు ఇస్తారని సేట్ తో రాహుల్ చెప్తాడు. తరువాయి భాగంలో సుభాష్ ని నిజం చెప్పమని కావ్య అడుగుతుంది. చెప్పలేనని సుభాష్ అనగానే.. నా మీద ఒట్టే అని కావ్య అంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.