బిగ్ బాస్ సీజన్ 4 నుంచి సెప్టెంబర్ సెంటిమెంట్‌ను ఫాలో అవుతున్నారు. తెలుగులో మొట్టమొదటి సీజన్ 1 జూలై 16 ప్రారంభం కాగా.. రెండో సీజన్ జూన్ 10 ప్రారంభమైంది. ఇక మూడో సీజన్ జూలై 21న ప్రారంభ అయ్యింది. ఇక సీజన్ 4 నుంచి సెప్టెంబర్ సెంటిమెంట్‌ బాగా వర్కౌట్ అయ్యింది. నాలుగో సీజన్ ఏడో సీజన్ వరకూ సెప్టెంబర్‌లోనే బిగ్ బాస్ ప్రారంభమవుతుంది. దానిలో భాగంగా ఈ ఎనిమిదో సీజన్ కూడా.. సెప్టెంబర్ నెల ముహూర్తం దాదాపు ఖరారైనట్టే. సెప్టెంబర్ 8 ఆదివారం నుంచి బిగ్ బాస్ సీజన్ 8 ప్రారంభమయ్యే అవకాశం ఉంది. ప్రస్తుతం స్టార్ మా ఛానల్‌లో ‘కిరాక్ బాయ్స్ ఖిలాడి గర్ల్స్’ గేమ్ షో ప్రసారం అవుతుంది. ఇది.. సెప్టెంబర్ 01 ఆదివారం నాటితో ముగియనుండగా.. ఆ తరవాతి ఆదివారం నుంచి ‘బిగ్ బాస్ 8’ ప్రారంభం కావడం ఖాయంగా కనిపిస్తుంది. మొత్తం 106 రోజులు బిగ్ బాస్ సీజన్ 8 ప్రసారం కానుండగా.. డిసెంబర్ 22 నాటితో బిగ్ బాస్ 8 ముగిసే అవకాశం ఉంది.

గత సీజన్ లాగే ఈ సీజన్ కి నాగార్జున హోస్ట్ గా చేస్తున్నాడు. అన్నపూర్ణ స్టుడియోస్‌లోనే బిగ్ బాస్ సెట్ వర్క్ పని శరవేగంగా జరుగుతోంది. ఆగష్టు నెలాఖరు వరకూ బిగ్ బాస్ సెట్ వర్క్ అన్నపూర్ణ స్టుడియోలో జరగబోతుంది. మరోవైపు కంటెస్టెంట్స్ ఎంపికకి ఇప్పటికే దాదాపు 200 మందికి పైగా కంటెస్టెంట్స్‌ని ఎంపిక చేసి.. వారికి ఫోన్ కాల్స్, మెయిల్స్ ప్రక్రియను పూర్తి చేశారు. ఇంకా కొంతమందికి మెయిల్స్ వెళ్తూనే ఉండగా.. జూలై తొలివారం నుంచి ఎంపిక చేసిన కంటెస్టెంట్స్‌కి ఇంటర్వ్యూలు జరుగుతున్నాయంట. ఇలా ఎంపిక చేసిన 22 మంది కంటెస్టెంట్స్‌ని కూడా చివరి నిమిషం వరకు కూడా హౌస్‌లోకి పంపుతారనే గ్యారంటీ లేదు.. ఇంటర్వ్యూలు జరిగి.. హోటల్ రూంలో పెట్టి.. ప్రోమో షూట్‌లు అయిన తర్వాత కూడా వెనక్కి పంపిన సందర్భాలు ఉన్నాయి. కాబట్టి చివరి క్షణం వరకూ కూడా అంటే.. బిగ్ బాస్ స్టేజ్‌పై అడుగుపెట్టే వరకూ కూడా ఫైనల్ లిస్ట్‌లో ఎలాంటి మార్పులు చేర్పులైనా జరగొచ్చు.

బిగ్ బాస్ హౌస్ లోకి వెళ్ళే కంటెస్టెంట్స్ లిస్ట్ ఓసారి చూసేద్దాం.. ఫార్మర్ నేత్ర , కిర్రాక్ ఆర్పీ, వేణు స్వామి,‌ అంజలి పవన్, మై విలేజ్ షో అనిల్ , ఖయ్యూం అలీ, యాదమ రాజు, సోనియా సింగ్ , బమ్ చిక్ బబ్లూ, ప్రభాస్ శీను, అమృత ప్రణయ్, రీతు చౌదరి, సింగర్ సాకేత్, ఢీ ఫేమ్ శ్వేతా నాయుడు, సీరియల్ నటి హారిక, సీరియల్ యాక్టర్ నిఖిల్, నీతోనే డ్యాన్స్ ఫేమ్ అక్షిత, సీరియల్ నటుడు శ్రీకర్.. వీరిని బిబి టీమ్ సెలెక్ట్ చేసినట్టుగా తెలుస్తోంది. వీరితో పాటు బర్రెలక్క, కుమారీ ఆంటీ, యాంకర్ విష్ణు ప్రియ పేర్లు కూడా వినిపిస్తున్నాయి‌. ఈ లిస్ట్ లో ఎవరెవరు సెలెక్ట్ అయి హౌస్ లోకి వెళ్తారో చూడాలి మరి.