English | Telugu
అష్షును స్వయంవరం పెట్టమంటున్న అభిమాని!
Updated : Sep 6, 2022
సోషల్ మీడియా ద్వారా మంచి పాపులారిటీ సంపాదించుకున్న అషు రెడ్డి గురించి స్పెషల్ గాచెప్పక్కర్లేదు. సమంత పోలికలతో ఉండేసరికి మొదట్లో అష్షును అందరూ జూనియర్ సమంత అని పిలిచేవారు. ఈమె చేసిన టిక్ టాక్ వీడియోలుఎంతో పాపులర్ అయ్యాయి. ఈ ముద్దుగుమ్మకు బుల్లితెరపైన కూడా చాలా అవకాశాలు కూడా వచ్చాయి. బుల్లితెర మీద షోస్ చేస్తూ ప్రేక్షకులను సందడి చేయడమే కాదు,రెండుసార్లు బిగ్ బాస్ హౌస్లోకి వెళ్లే అవకాశాన్ని కూడా అందుకుంది.
ఇప్పుడు అష్షుకి ఒక ఫ్యాన్ నుంచి ఒక కాంప్లిమెంట్ వచ్చింది. ఆ కామెంట్ చదివితే అష్షుకి పెళ్లి వయసు వచ్చేసినట్టే కనిపిస్తోంది. ఆమె ఇన్స్టాగ్రామ్ లో లేటెస్ట్ అప్ డేట్స్ తో పాటు ఫొటోస్ కూడా షేర్ చేస్తూ ఉంటుంది. అలాంటి ఒక ఫోటో చూసిన ఆమె ఫ్యాన్ "స్వయంవరం పెట్టు అష్షు, శివ ధనుస్సు విరిచి పెళ్లిచేసుకుంటా" అంటూ కామెంట్ చేసాడు. అష్షు ఆ కామెంట్ ని తన ఇన్స్టాగ్రామ్ స్టేటస్ లో పెట్టుకుంది.
అలాగే, "ప్రశ్నలు అడగండి" అనేసరికి.. ఒక ఫ్యాన్, "నీ అందం వెనక సీక్రెట్ ఏమిటి?" అని అడిగాడు. "మంచి మనసు" అనేది అష్షు ఇచ్చిన రిప్లై. "రాహుల్ (సిప్లిగంజ్) అన్నతో అస్సలు ఎక్కడ కనిపించట్లేదు" అని ఇంకొకరు అడిగారు. "తిరిగితే తిరిగిందంటున్నారు.. తిరక్కపోతే ఇలా అంటున్నారు" అని ఆన్సర్ ఇచ్చింది అష్షు.