బిగ్ బాస్ హౌస్ లో ఉన్న వారి గురించి బయట పెద్దయుద్ధమే జరుగుతుంది. హౌజ్ లో ఉన్న వారికంటే వారి ఫ్రెండ్స్ అండ్ ఫ్యామిలీ వాల్లే ఎక్కువ టెన్షన్ పడుతున్నారు. హౌజ్ లో ఉన్న వారికోసం బయట ఉన్నవాళ్ళు సపోర్ట్ ఇస్తూ ఓటింగ్ ని పెంచేస్తున్నారు. అందులోను రోజురోజుకి తన మాటతీరుతో, ఆటతీరుతో వరెస్ట్ పర్ఫామెన్స్ ఇస్తున్న అమర్ దీప్ ని సపోర్ట్ చేస్తూ అరియానా మరో వీడియోని తన ఇన్ స్టాగ్రామ్ లో షేర్ చేసింది.

అరియనా తన ఫ్రెండ్ అమర్ దీప్ కోసం ఒక వీడియోని పోస్టు చేసింది. నిన్న జరిగిన నామినేషన్ లో అంబటి అర్జున్ అమర్ దీప్ నీ నామినేట్ చేసాడని, క్లియర్ గా పాయింట్స్ కూడా చెప్పాడని అరియానా అంది. " నాకు ఏమనిపిస్తుందంటే నా ఫ్రెండ్ అమర్ దగ్గరికి వెళ్లి.. అంత బానే ఆడుతున్నావ్ రా ? నువ్వు సరిగ్గా డిఫెండ్ చేసుకోలేకపోతున్నావ్ రా, అందుకే నీ గేమ్ కన్పించడం లేదు. అందరూ నా వాళ్ళే అని అనుకొని పెద్ద బొక్క పెట్టుకుంటున్నావని అనిపిస్తుంది. బిగ్ బాస్ కుదిరితే ఒక్క రోజే నన్ను లోపలికి పంపించండి. ఒక్క హాఫ్ డే అయిన పంపించండి. నా ఫ్రెండ్ ని ఆ పరిస్థితులలో చూడలేకపోతున్నాను. వాడు గేమ్ ఆడడం ఏంటో గాని నాకు మెంటల్ స్ట్రెస్ అయిపోతుంది" అని తన బాధని పంచుకుంది అరియాన.

అమర్ దీప్ ని నెగెటివ్ చేయొద్దు. మీ ఫేవరెట్ వాళ్లని ముందుకు తీసుకొని రండి కానీ ఒకరిని నెగటివ్ చేసి ఇంకొకరు సక్సెస్ అవడం తప్పు. అదొక సక్సెస్ ఏనా అని అరియనా ఆ వీడియోలో చెప్పుకొచ్చింది. అమర్ దీప్, అరియానా బయట ఎంత మంచి స్నేహితులో అందరికి తెలిసిందే. గత వారం గుడ్ డే మూమెంట్ లో అమర్ దీప్ తనకిష్టమైన వాళ్ళు అని అరియానాని చెప్పిన విషయం తెలిసిందే. మరి అమర్ దీప్ కి సపోర్ట్ చేస్తూ అరియాన పోస్ట్ చేసిన ఈ వీడియోకి నెటిజన్లు తెగ కామెంట్లు చేస్తున్నారు. ఈ వారమైన అమర్ దీప్ తన గేమ్ ని ఇంప్రూవ్ చేసుకుంటాడా లేదా చూడాలి మరి!