'పంతాలు పట్టింపులు'కి 55 ఏళ్ళు.. కృష్ణ మిస్ శోభన్ బాబు ఎస్!
నట భూషణ్ శోభన్ బాబుకి అచ్చొచ్చిన కథానాయికల్లో కళాభినేత్రి వాణిశ్రీ ఒకరు. వీరిద్దరి కలయికలో వచ్చిన పలు సినిమాలు.. అప్పటి జనాల్ని ఆకట్టుకున్నాయి. అలాంటి చిత్రాల్లో 'పంతాలు పట్టింపులు' ఒకటి. ఓ మరాఠి మూవీ ఆధారంగా తెరకెక్కిన ఈ సంగీత, నృత్య ప్రధాన చిత్రాన్ని తిలక్ డైరెక్ట్ చేశారు. గీతాంజలి, లీలా గాంధీ, గుమ్మడి, రమణారెడ్డి, రమాప్రభ, మాలతి, ఛాయాదేవి ఇందులో ఇతర ముఖ్య పాత్రల్లో దర్శనమిచ్చారు. పినిశెట్టి మాటలు అందించగా.. శ్రీశ్రీ, ఆరుద్ర, కొసరాజు పాటలు రాశారు.