English | Telugu
బాలకృష్ణ మహాదేవనాయుడు నవంబర్ లో
Updated : Jun 10, 2011
బాలకృష్ణ "మహాదేవనాయుడు" నవంబర్ లో రిలీజ్ కానుందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే శ్రీ కీర్తి కంబైన్స్ పతాకంపై, యువరత్న నందమురి బాలకృష్ణ హీరోగా త్రిపాత్రాభినయం చేస్తూండగా, ఛార్మి, లక్ష్మీరాయ్, సలోనీ హీరోయిన్లుగా, పరుచూరి మురళి దర్శకత్వంలో, యమ్.యల్.కుమార్ చౌదరి నిర్మిస్తున్న చిత్రానికి "మహాదేవనాయుడు" అన్న పేరుని నిర్ణయించారని సమాచారం. బాలకృష్ణ "మహాదేవనాయుడు" సినిమాని నవంబర్ నెలలో విడుదల చేయటానికి నిర్మాత సన్నాహాలు చేస్తున్నారు.
బాలకృష్ణ "మహాదేవనాయుడు" సినిమాకి "అలా మొదలయ్యింది"ఫేం కళ్యాణిమాలిక్ చక్కని సంగీతాన్ని అందిస్తున్నారు. ఈ సినిమాలో ఇంకా జయసుధ, చరణ్ రాజ్, బ్రహ్మానంద, కోట శ్రీనివాసరావు తదితరులు నటిస్తున్నారు. విజయ కుమార్ ఈ చిత్రానికి సినిమాటోగ్రాఫర్ గా వ్యవహరిస్తున్నారు. ఈ బాలకృష్ణ "మహాదేవనాయుడు" సినిమాలో హీరో బాలకృష్ణ ఒక తెలివైన జర్నలిస్ట్ గా, ఒక కరుడు కట్టిన ఫ్యాక్షనిస్టుగా, ఒక శాంతి కాముకుడిగా తాత, తండ్రి, కొడుకుగా ముడు పాత్రల్లో నటిస్తున్నారు.