English | Telugu
టాలీవుడ్ అందగాడెవరు
Updated : Apr 19, 2011
టాలీవుడ్ అందగాడెవరు అనే చర్చ ఈ మధ్య ఫిలిం నగర్ వర్గాల్లో జరిగింది. దీనికి సమాధానంగా ఒక్కొక్కళ్ళు ఒక్కొక్క హీరో పేరు చెపుతూ ఆ హీరోనే ఎందుకు టాలీవుడ్ అందగాడో విశ్లేషించటం మొదలుపెట్టారు. ఈ క్రమంలో మన టాలీవుడ్ లో చాలా మమది హీరోల ప్రస్తావన వచ్చింది. వారిలో ముఖ్యంగా ప్రిన్స్ మహేష్ బాబు, యంగ్ రెబెల్ స్టార్ ప్రభాస్, యువ హీరో రానాల పేర్లు బలంగా వినపడ్డాయి.
ఈ ముగ్గురు హీరోలూ ఆరడుగులకు మించిన ఎత్తు కలిగిన వారు. ప్రిన్స్ మహేష్ బాబు ఆరడుగుల రెండంగుళాల ఎత్తయితే యంగ్ రెబెల్ స్టార్ ప్రభాస్ కూడా దాదాపు అదే ఎత్తు కలిగి ఉన్నాడు. కాని యువ హీరో రానా అయితే ఏకంగా ఆరడుగుల నాలుగంగుళాల ఎత్తున్నాడు. దాదాపు మన తెలుగు సినీ పరిశ్రమలో ఇంతెత్తున్న హీరో ఇంతవరకూ మరొకరు లేరని అంటే అది అతిశయోక్తి కాదు.
ఇక వీరి ప్రతిభ గురించీ, వీరి గ్లామర్ గురించీ, వీరి సక్సస్ రేట్ గురించీ ఆలోచిస్తే ప్రస్తుతానికి సీనియర్ అయిన ప్రిన్స్ మహేష్ బాబు మాత్రమే అగ్రస్థానంలో ఉన్నారని చెప్పవచ్చు. అలాగని యంగ్ రెబెల్ స్టార్ ప్రభాస్ మాత్రం తక్కువ వాడేం కాదు.ఇక యువ హీరో తానేంటో ఇకపైనే నిరూపించుకోవాల్సి ఉంది. కారణం అతను హీరోగా నటించిన "లీదర్"ఒక్క చిత్రమే ఇప్పటి వరకూ విడుదలయ్యింది. అతని రెండవ చిత్రం "నేను- నా రాక్షసి"విడుదలకు సిద్ధంగా ఉంది.