English | Telugu
సగం సినిమా రీషూటా??
Updated : Jun 26, 2015
స్ర్కిప్టు రూపంలో ఉన్న కథ తెరపై సినిమాగా మలిచేలోగా ఎన్నో మార్పులు సంతరించుకొంటుంది. సినిమా షూటింగ్ ముగిశాక... మార్పులు చేర్పులూ తప్పని సరి. అవసరమైతే రెండు మూడు సీన్లు రీషూట్ కూడా చేస్తారు. అయితే.. ఓ సినిమా విషయంలో అలాకాదు. ఏకంగా సగం సినిమా రీషూట్ చేశారట. ఆ సినిమానే `టైగర్`. సందీప్కిషన్, రాహుల్ రవీంద్రన్ కథానాయకులుగా నటించిన చిత్రమిది. 75 శాతం సినిమా పూర్తయ్యాక.. కొంతమంది సినీ ప్రముఖులకు `టైగర్` చూపించారట. వాళ్లంతా తలో మార్పు చెప్పేసరికి.. టీమ్ రిపేర్లకు దిగి. ఏకంగా సగం సినిమాని రీషూట్ చేశారని తెలుస్తోంది. అంతేకాదు.. ఈసినిమా కోసం సందీప్ కిషన్ మూడు నెలలు కష్టపడి మరీ సిక్స్ ప్యాక్ చేశాడు. ఓ భారీ యాక్షన్ ఎపిసోడ్ని సందీప్పై తెరకెక్కించారు. ఆ ఫైట్ కూడా మార్పులూ, చేర్పుల కార్యక్రమంలో ఎగిరిపోయిందట. అలా సందీప్ కిషన్ మూడు నెలల శ్రమ వృథా అయిపోయింది.