విభిన్న చిత్రాల కథానాయకుడు ఆర్య(Arya)విభిన్న చిత్రాల దర్శకుడు పా రంజిత్(Pa ranjith)కాంబోలో తమిళంలో తెరకెక్కిన చిత్రం 'సార్పట్ట(Sarpatta)పరంపర'. కోవిడ్ సంభవించి థియేటర్స్ మూతపడంతో ఓటిటిలో అమెజాన్ ప్రైమ్ వీడియో(Amazon Prime Video)వేదికగా జులై 2021న తమిళ,తెలుగు భాషల్లో విడుదలయ్యి ప్రేక్షకుల నుంచి మంచి రెస్పాన్స్ ని అందుకుంది. పార్ట్ 2 కోసం అందరూ వెయిట్ చేసేలా ఓటిటి చరిత్రలో సరికొత్త రికార్డులు కూడా సృష్టించిందని చెప్పవచ్చు.

ఇక సార్పట్ట పార్ట్ 2(satpatta 2)ఉంటుందని మేకర్స్ గతంలోనే ప్రకటించారు. కానీ షూటింగ్ అప్ డేట్ ని ఇవ్వలేదు. రీసెంట్ గా తమిళ చిత్ర పరిశ్రమలో వినిపిస్తున్న కథనాల ప్రకారం ఆగస్ట్ నుంచి సార్పట్ట 2 సెట్స్ పైకి వెళ్లే అవకాశం ఉన్నట్టుగా వార్తలు వస్తున్నాయి. ఇందుకు సంబంధించి మేకర్స్ నుంచి త్వరలోనే అధికార ప్రకటన కూడా రానుందని అంటున్నారు. సోషల్ మీడియాలో వస్తున్న ఈ న్యూస్ ప్రస్తుతం సినీ అభిమానుల్లో సరికొత్త జోష్ ని తెచ్చింది. 1970 వ సంవత్సరంలో అప్పటి ఉత్తర మద్రాసులో కబిలాన్ అనే దళిత వ్యక్తి మద్రాస్ షిప్ పోర్ట్ లో కార్మికుడుగా పని చేస్తు తన తండ్రి మునిరత్నంలాగా పెద్ద బాక్సర్ కావాలని కలలు కంటు ఉంటాడు. కానీ తల్లి బక్కియమ్ మాత్రం మునిరత్నం గెలుపుని ఓర్చుకోలేని ప్రత్యర్థి ముఠా మునిరత్నంని చంపినట్టే కబిలాన్ ని చంపుతారని బాక్సింగ్ కి ఒప్పుకోదు. ఆంగ్లో ఇండియన్ గాడ్ ఫాదర్ కెవిన్ కబిలాన్ అభిరుచిని అర్ధం చేసుకుని ప్రోత్సహిస్తుంటాడు.

1975లో, ఇందిరా గాంధీ అత్యవసర పరిస్థితిలో రాజకీయ స్వేచ్ఛలను నిలిపివేసిన టైంలో సార్పట్ట వంశానికి చెందిన బాక్సింగ్ కోచ్ ద్రవిడ మున్నేట్ర కజగం (DMK) పార్టీ సభ్యుడు రంగన్ ఒక బాక్సింగ్ టోర్నమెంట్‌ ని నిర్వహిస్తుంటాడు. అందులో సార్పట్ట వంశానికి చెందిన ప్రధాన బాక్సర్ 'మీరన్' ఇడియప్పన్ వంశానికి చెందిన వెంబులి చేతిలో ఓడిపోతాడు. సర్పట్ట ఓడిపోతే మళ్లీ ఎప్పటికీ పోరాడకూడదనే షరతును అంగీకరిస్తూ, తదుపరి మ్యాచ్‌లో వెంబులిని ఓడించడానికి ఎంతో కష్టపడి కబిలన్ ని తీసుకొస్తాడు.కానీ ఆ తర్వాత బాక్సింగ్ వద్దని అనుకోని ఆర్య వెళ్లిపోవడం, తాగుడికి బానిస కావడం, మళ్ళీ వచ్చి బాక్సింగ్ లో విజయాన్ని సాధించడం ఇలా కథ ఎన్నో మలుపులు తిరుగుతుంది. ఈ క్రమంలో పార్ట్ 2 కథ ఎలా ఉండబోతుందనే ఆసక్తి అందరిలో ఉంది. కబిలన్ మునిరత్నంగా ఆర్య, భార్య మరియమ్మగా దుషార విజయన్ కనపడ్డారు.