English | Telugu
బాబు.. సిక్స్ ప్యాక్ చేస్తాడట!
Updated : Nov 24, 2014
రౌడీ ఫెలో చూసిన తరవాత అందరిదీ ఒకే మాట. నారా రోహిత్ మరీ ఇంత బొద్దుగా ఉన్నాడేంటి...?? అనుకొన్నారు. మరీ ఇంత లావైతే... భవిష్యత్తు చాలా కష్టం అనే కామెంట్లూ చేశారు. ఇవి కాస్త నారా రోహిత్ చెవిలోనూ పడ్డాయట. అందుకే... అర్జెంటుగా స్లిమ్ అయిపోవాలనే నిర్ణయానికొచ్చాడు. అంతేకాదు..పనిలో పనిగా సిక్స్ ప్యాకూ చేస్తాడట. బాగాలావయ్యా అనే మాటలు వినిపించాయి... అందుకే బాగా సన్నబడాలని నిర్ణయించుకొన్నా, అందుకు సంబంధించి కసరత్తులు కూడా మొదలెట్టేశా.. అంటున్నాడు నారా రోహిత్. త్వరలోనే కొత్త రోహిత్ని చూస్తారని మాటిచ్చేశాడు. రోహిత్ తన సొంత బ్యానర్లో మూడు చిత్రాలు చేయబోతున్నాడు. అందులో ఒకదాంట్లో నారా రోహితే హీరో. ఆ సినిమాలో రోహిత్ సిక్స్ ప్యాక్ తో కనిపిస్తాడట. మొత్తానికి రోహిత్.. తన మైనస్సుని బాగానే పసిగట్టాడు. సిక్స్ ప్యాక్లు చేసిన బాబుల్లో... రోహిత్ పేరు కూడా చేరిపోతుందన్నమాట.