ఐఫా అవార్డ్స్ లో రెజీనా వేసిన డ్రస్ ను చూసిన వారెవరూ అంత తేలిగ్గా దాన్ని మర్చిపోరు. దాన్ని దోమల తెర అంటూ కామెంట్లు, చాలా బాగుందంటూ కాంప్లిమెంట్లు కూడా రెజీనాకు వచ్చాయి. కానీ ఆమెను మాత్రం ఆ డ్రస్ చాలా ఇబ్బంది పెట్టిందట. ఎంతో ఇష్టపడి డిజైనింగ్ చేయించుకున్న డ్రస్ అలా అవుతుందని అనుకోలేదంటూ వాపోయింది రెజీనా.

విషయంలోకి వెళ్తే, ఆ డ్రస్ వేసుకుని ఫోటోలకు ఫోజులిచ్చి,స్టేజ్ పైకి వెళ్లీ వెళ్లగానే, వీపు వైపున చిరిగిపోయింది. కానీ ఎలాగోలా మ్యానేజ్ చేసి షోను పూర్తి చేసేసింది. ఫంక్షన్ ముగిసిన తర్వాత ఆ విషయాన్ని గుర్తు చేసుకుని ఇలాంటిది ఎందుకు వేసుకున్నానురా అని బాధపడిందట. అయినా అసలు ఇలాంటి డ్రస్సులు వేసుకోవడమెందుకో..చిరిగిందని తర్వాత బాధపడటమెందుకో..