English | Telugu
బ్యాంకాక్ లో ప్లాన్ చేస్తున్న రామ్ చరణ్
Updated : Mar 18, 2016
మెగా పవర్ స్టార్ రాం చరణ్, సురేందర్ రెడ్డి కాంబినేషన్లో తెరకెక్కుతోంది తనీ ఒరువన్ రీమేక్. ఈ మధ్యే సెట్స్ పైకి వెళ్లిన ఈ మూవీ షూట్ చాలా సైలెంట్ గా జరిగిపోతోంది. గత కొన్ని రోజులుగా హైదరాబాద్ లో షెడ్యూల్ జరుపుకున్న మూవీ టీం, ఈ నెల 20 నుంచి బ్యాంకాక్ లో ఒక చిన్న షెడ్యూల్ ప్లాన్ చేశారు. అది పూర్తవ్వగానే, హైదరాబాద్ లో షూటింగ్ కంటిన్యూ అవనుంది. 28 న తన చిన్నక్క శ్రీజ పెళ్లి ఉండటంతో, ఆ టైం లోపే బ్యాంకాక్ షూట్ ముగిసిపోయేలా ప్లాన్ చేశాడు చరణ్. తనీ ఒరువన్ లో బ్యాంకాక్ లో జరిగేంత పెద్ద పెద్ద సీన్లేమీ లేవు. కేవలం సాంగ్ షూట్ కోసమే టీం అక్కడికి వెళ్తున్నారని సమాచారం. గీతా ఆర్ట్స్ బ్యానర్ పై అల్లు అరవింద్ నిర్మిస్తున్న ఈ రీమేక్ కు ధృవ అనేది టైటిల్ గా వినిపిస్తోంది. అంతకు ముందు రక్షక్ అన్న టైటిల్ ను కూడా పరిశీలిస్తున్నారనే వార్తలు వచ్చాయి. కాగా తమిళ్ లో విలన్ గా చేసిన అరవింద్ స్వామి తెలుగులో తన పాత్రను తిరిగి పోషించబోతున్నారు.