English | Telugu
కన్నప్ప సినిమా చూసి రజినీకాంత్ రియాక్షన్!
Updated : Jun 16, 2025
మంచు విష్ణు డ్రీమ్ ప్రాజెక్ట్ గా రూపొందుతోన్న చిత్రం 'కన్నప్ప'. ముకేశ్ కుమార్ సింగ్ దర్శకత్వంలో మోహన్ బాబు భారీ బడ్జెట్ తో నిర్మిస్తున్న ఈ సినిమాలో ప్రభాస్, అక్షయ్ కుమార్, మోహన్ లాల్ వంటి స్టార్స్ కీలక పాత్రలు పోషించారు. జూన్ 27న ప్రేక్షకుల ముందుకు రానున్న కన్నప్పపై విష్ణు ఎన్నో ఆశలు పెట్టుకున్నాడు. ఇటీవల విడుదలైన ట్రైలర్ కి కూడా మంచి రెస్పాన్స్ వచ్చింది.
మోహన్ బాబు, సూపర్ స్టార్ రజినీకాంత్ మంచి స్నేహితులనే విషయం తెలిసిందే. తాజాగా కన్నప్ప సినిమాని రజినీకాంత్ వీక్షించారు. ఈ విషయాన్ని తెలియజేస్తూ విష్ణు సోషల్ మీడియా వేదికగా ఓ పోస్ట్ పెట్టాడు. "రజినీకాంత్ అంకుల్ కన్నప్ప సినిమా చూశారు. ఆ తర్వాత.. నాకు టైట్ హగ్ ఇచ్చి, సినిమా నచ్చిందని చెప్పారు. ఒక నటుడిగా ఆ హగ్ కోసం నేను 22 సంవత్సరాలుగా ఎదురు చూస్తున్నాను. ఈరోజు చాలా సంతోషంగా ఉంది." అని విష్ణు రాసుకొచ్చాడు. ఈ సందర్భంగా రజినీకాంత్ తో దిగిన ఫోటోలను కూడా పంచుకున్నాడు.