English | Telugu
'పీకే' దెబ్బకు వణుకుతున్న థియేటర్లు
Updated : Dec 29, 2014
అమీర్ ఖాన్, అనుష్క శర్మలు జంటగా వచ్చిన 'పీకే' సినిమా బాలీవుడ్ రికార్డులు తిరగరాస్తూ సరికొత్త రికార్డ్ లను సృష్టిస్తున్న విషయం తెలిసిందే. ఈ సినిమా కలెక్షన్ లలోనే కాదు వివాదాల విషయంలోనూ రికార్డులు సృష్టిస్తో౦ది. ఈ సినిమాలో ఉన్న డైలాగ్ హిందూవుల మనోభావాలను తీవ్రంగా దెబ్బతీసేవిగా ఉన్నాయని హిందూ లీగల్ సెల్ ఆందోళన వ్యక్తం చేసింది. అలాగే ఈ చిత్రంలోని పలు సన్నివేశాలు హిందూ మతాన్ని, హిందూ సాంప్రదాయాలను, హిందువులను అవమానించేలా ఉన్నాయని ఆందోళన వ్యక్తం అవుతోంది. హిందూ లీగల్ సెల్ ఈ సినిమాపై కోర్టులో పిటీషన్ దాఖలు చేయడం జరిగింది. తాజాగా సినిమా ప్రదర్శితమవుతున్న థియేటర్లపై దాడులు షురూ అయ్యాయి. దేశవ్యాప్తంగా ‘పీకే’ సినిమాకి వ్యతిరేకంగా ఆందోళనలు చేయాలంటూ వీహెచ్పీ, భజ్రంగ్దళ్ పిలుపులతో థియేటర్ల యాజమాన్యాలు కంగారుపడ్తున్నాయి. మరి సినిమా దెబ్బకి థియేటర్లు వణకడమంటే ఇదేనేమో!