English | Telugu
చిరు, బాలయ్య ఇద్దరూ నయనతారను అడగలేదట..!
Updated : Apr 29, 2016
మెగాస్టార్ 150 వ సినిమా ఈరోజు ప్రారంభమైంది. బాలకృష్ణ కూడా కొన్ని రోజుల ముందు తన వందో సినిమాను గ్రాండ్ గా ప్రారంభించేశారు. మరి ఈ రెండు సినిమాల్లోనూ హీరోయిన్లు ఎవరబ్బా అనే డౌట్ ఇద్దరి అభిమానులకూ ఉంది. సీనియర్ హీరోల పక్కన నటించాలంటే వినబడే పేరు నయనతార. ఈ రెండు సినిమాల కోసం నయనను సంప్రదించారని, కానీ కాల్షీట్స్ ఖాళీ లేవని నయన చెప్పేసిందని వార్తలు వచ్చాయి. లేటెస్ట్ గా ఈ వార్తలపై స్పందించిందీ భామ. " అసలు నన్నెవరూ అడగనే లేదు. అలాంటప్పుడు ఇక నేను నో ఎక్కడ చెబుతాను. అయినా నా కాల్షీట్స్ అందుబాటులో ఉంటే అలాంటి ప్రెస్టేజియస్ ప్రాజెక్ట్స్ లో తప్పకుండా నటిస్తా. ఆ రెండు సినిమాలకూ సంబంధించి ఇప్పటి వరకూ నన్నెవరూ అడగలేదు. ఇలాంటి తప్పుడు ప్రచారాల వల్ల, నా కెరీర్ కు బ్యాడ్ అయ్యే ప్రమాదం ఉంది కాబట్టి ఈ వార్తలపై మాట్లాడుతున్నాను " అని ఫుల్ క్లారిటీ ఇచ్చేసింది. దీంతో ఆ పుకార్లన్నింటికీ ఫుల్ స్టాప్ పడినట్టే. ప్రస్తుతం వెంకటేష్ నటిస్తున్న బాబు బంగారంలో యాక్ట్ చేస్తున్న నయన డైరీలో ఆ తర్వాత తెలుగు సినిమాలేవీ కనబడట్లేదు. మరి చిరు బాలయ్యలు తమ ల్యాండ్ మార్క్ ఫిల్మ్స్ లో నయన్ గురించి ఆలోచిస్తారో లేదో చూడాలి.