English | Telugu
నాని తర్వాతి సినిమా పేరు జెంటిల్ మన్..!
Updated : Apr 15, 2016
నాని ఫస్ట్ మూవీ అష్టా చమ్మాను తెరకెక్కించిన ఇంద్రగంటి మోహనకృష్ణతో ఇప్పుడో మూవీలో నటిస్తున్న సంగతి తెలిసిందే. తాజాగా ఈ సినిమాకు జెంటిల్ మన్ అనే టైటిల్ ను ఖరారు చేశారు మూవీ టీం. దీనికి సంబంధించిన ఇంట్రస్టింగ్ ఫస్ట్ లుక్ ను కూడా రిలీజ్ చేశారు. ఇంద్రగంటి సినిమా అంటేనే రొటీన్ కు భిన్నంగా ఉంటాయనే పేరు తెచ్చుకున్నారు. తాజాగా షూటింగ్ కంప్లీట్ చేసుకున్న జెంటిల్ మన్ కూడా చాలా డిఫరెంట్ జానర్ మూవీ అని సమాచారం. సినిమా ఎక్కువగా థ్రిల్లర్ జానర్లో సాగుతుందట. ఆదిత్య 369, వంశానికొక్కడు సినిమాలు తీసిన శ్రీదేవి మూవీస్ సంస్థ అధినేత శివలెంక కృష్ణప్రసాద్ ఈ సినిమాకు నిర్మాత. జెంటిల్ మన్ ప్రస్తుతం పోస్ట్ ప్రొడక్షన్ జరుపుకుంటోంది. అవసరాల శ్రీనివాస్, తనికెళ్ల భరణి, వెన్నెల కిశోర్, సత్యం రాజేష్, రమాప్రభ ముఖ్య పాత్రలు పోషిస్తున్నారు. చాలా కాలం తర్వాత మణిశర్మ మ్యూజిక్ ఇచ్చిన సినిమా ఇదే కావడం విశేషం.