English | Telugu
నాగచైతన్య పోలీస్ లుక్ లీకయ్యింది..!
Updated : Apr 27, 2016
గౌతమ్ మీనన్ డైరెక్షన్లో నాగచైతన్య చేస్తున్న సినిమా సాహసం శ్వాసగా సాగిపో. ఇప్పటి వరకూ ఈ సినిమా యూత్ ఫుల్ ఎంటర్ టైనర్ గా అందరూ అనుకున్నారు. కానీ లేటెస్ట్ గా లీకైన స్టిల్ బట్టి, మూవీ కంప్లీట్ యాక్షన్ ఎంటర్ టైనర్ అని తెలుస్తోంది. పోలీస్ లుక్ లో నాగచైతన్య నడిచి వస్తున్న స్టిల్ ఇప్పుడు సోషల్ నెట్ వర్కింగ్ సైట్స్ లో వైరల్ అవుతోంది. చైతూ లుక్స్ కు ఫుల్ మార్క్ వేస్తున్నారు సినీజనాలు. యాక్షన్ సినిమాలు తీయడంలో గౌతమ్ మీనన్ ది ప్రత్యేకమైన శైలి. ఆయన తీసిన ఘర్షణ, ఎంతవాడుగానీ లాంటి సినిమాలే అందుకే కరెక్ట్ ఎగ్జాంపుల్స్. ఇప్పుడు యువ హీరోను పోలీస్ గా ఎలా చూపిస్తాడోనన్న ఆసక్తి అందరిలోనూ ఉంది. రొమాంటిక్ హీరోగానే తప్ప, ఇప్పటివరకూ పూర్తి స్థాయి మాస్ హీరోగా ప్రూవ్ చేసుకునేంత సక్సెస్ చైతూకు రాలేదు. ఈ సినిమాతో, మాస్ జనాల్లో కూడా తనకంటూ ఒక స్టైల్ ను క్రియేట్ చేసుకోవాలనుకుంటున్నాడీ అక్కినేని హీరో. సాహసం శ్వాసగా సాగిపో ఈ ఏడాది జూన్ లో రిలీజ్ చేయడానికి మూవీ టీం ప్లాన్ చేస్తున్నారు. మళయాళ భామ మంజిమా మోహన్ చైతూ సరసన నటిస్తోంది. సినిమా ఫస్టాఫ్ రొమాంటిక్ గా, సెకండాఫ్ అంతా యాక్షన్ తో ఉంటుందని మూవీ వర్గాలు చెబుతున్నాయి. లీక్డ్ లుక్ లో చైతూ మీసకట్టు శాతకర్ణిలో బాలయ్య మీసానికి దగ్గరగా ఉండటం విశేషం.