English | Telugu
బాబోయ్...శ్రీమంతుడికి తెలుగు రాదంట
Updated : Aug 6, 2015
మహేశ్ బాబు డైలాగు చెబితే థియేటర్లలో విజిళ్లు మోతెక్కుతాయి…. తెలుగులో అతను నటించిన సినిమాలు ఇండస్ట్రీ రికార్డులు నెలకొల్పాయి. ఆయన నోట పలికితే డైలాగ్ లకు మరింత పవర్ వస్తుందని అంటారు. అంతగా పేరు తెచ్చుకున్న మహేశ్ బాబు తెలుగు డైలాగులు ఎలా చెబుతారో తెలుసా… తెలిస్తే ఆశ్చర్యపోవాల్సిందే.
మహేశ్ బాబుకు తెలుగు మాట్లాడడం మాత్రమే వచ్చు… రాయడం, చదవడం అస్సలు రాదట. స్క్రిప్టు చూసి చదివి డైలాగు చెప్పమంటే ప్రిన్స్ నోరు పెగలదట. అవును… తాజాగా ఓ ఆంగ్ల పత్రికకు ఇచ్చిన ఇంటర్వ్యూలో మహేశే స్వయంగా ఈ సంగతి చెప్పాడు. దర్శకులు చెప్పిన డైలాగులు విని చెప్తాడట. ఎంత పెద్ద డైలాగ్ లేదా పేజిలు ఉన్నా దర్శకులు చెప్పింది వినడమే అలవాటు అని మహేశ్ చెబుతాడట. మహేశ్ కు తెలుగు రాకపోవడానికి కారణం ఆయన చెన్నైలో పుట్టిపెరగడమేనట. ఆయన పుట్టినప్పటినుంచి 23 ఏళ్ల పాటు అక్కడే ఉన్నారు. అక్కడే చదువుకున్నారు. అదీ కారణం.