English | Telugu
జంగిల్ బుక్ కు సీక్వెల్ ప్లాన్ చేస్తున్న డిస్నీ...!
Updated : Apr 26, 2016
ఈ మధ్యే రిలీజైన జంగిల్ బుక్ ఏ స్థాయిలో హిట్ అయ్యిందో తెలిసిందే. ఒక్క ఇండియన్ మార్కెట్ లోనే వందకోట్లకు పైగా కొల్లగొట్టిందీ సినిమా. రికార్డ్ స్థాయిలో వరల్డ్ వైడ్ హిట్ కొట్టిన జంగిల్ బుక్ కు త్వరలోనే సీక్వెల్ స్టార్ట్ చేస్తామని వాల్ట్ డిస్నీ నిర్మాణ సంస్థ ప్రకటించింది. ఇదే కాక ఏంజెలీనా జోలీ లీడ్ రోల్ పోషించిన మెలిఫిషెంట్, మేరీ పాప్పిన్స్ సినిమాలకు సీక్వెల్ తీయబోతున్నామని కన్ఫామ్ చేసింది. మొదటి భాగాన్ని తెరకెక్కించిన జాన్ ఫేవర్యూనే రెండో పార్ట్ కు కూడా దర్శకత్వం వహించబోతున్నారు. సినిమా రిలీజ్ డేట్ ను 2019గా ప్రకటించాలని డిస్నీ సంస్థ భావిస్తున్నా, అప్పటికి సినిమా పూర్తి కాకపోతే మళ్లీ మార్చే అవకాశం ఉందంటున్నారు. 1984 లో రుడ్యార్డ్ కిప్లింగ్ రాసిన జంగిల్ బుక్ నవల ఆ తర్వాత యానిమేషన్ టెలీ సీరియల్ గా ప్రసారమై విపరీతమైన ప్రజాదరణ పొందింది. ఈ కథాంశాన్నే తీసుకుని, డిస్నీ సంస్థ, లైవ్ యాక్షన్ ఏనిమేషన్ మూవీగా జంగిల్ బుక్ ను తెరకెక్కించి ఇప్పుడు ప్రపంచవ్యాప్తంగా భారీ హిట్ కొట్టింది. లీడ్ రోల్ మోగ్లీగా భారతీయ సంతతికి చెందిన నీల్ సేథి నటించడం విశేషం.