భాషలతో సంబంధం లేకుండా, అన్ని భాషల్లోనూ కుమ్మేస్తూ వసూళ్లు కొల్లగొడుతోంది హాలీవుడ్ డెడ్ పూల్ సినిమా. ఇప్పటికే ప్రపంచవ్యాప్తంగా 150 మిలియన్ డాలర్లతో కలెక్షన్ సునామీ సృష్టిస్తోంది. తాజాగా డెడ్ పూల్ ఎఫెక్ట్ చెన్నైను కూడా తాకింది. చెన్నైలో ఎక్కడ చూసినా, డెడ్ పూలే కనిపిస్తున్నాడు. ఇంతకీ చెన్నైలో ఈ సూపర్ హీరోకేం పని అనుకుంటున్నారా..? నిజంగా కాదులెండి. డెడ్ పూల్ చెన్నైలో ఉన్నట్లు ఫోటోషాప్ చేసి ఎవరో ట్విట్టర్లో పెట్టారు. డెడ్ పూల్ ఇన్ చెన్నై పేరుతో, ఈ ఫోటోలు ఇప్పుడు ట్విట్టర్, ఇన్ స్టాగ్రామ్ లో ట్రెండ్ అవుతున్నాయి. వీటిని నటి శ్రుతి హాసన్ తన ఇన్ స్టాగ్రాంలో షేర్ చేసింది..దీంతో ట్రెండింగ్ లో టాప్ 10 కు చేరుకుంది ఈ హాష్ ట్యాగ్. చెన్నై బీచ్ లో డెడ్ పూల్ పడుకున్నట్లు, విజయకాంత్ తో మాట్లాడుతున్నట్లు, ఆటోలో ప్రయాణిస్తున్నట్లు, బస్సు ఎక్కడం కోసం పరిగెడుతున్నట్లు..ఇలా డెడ్ పూల్ నిజంగా చెన్నైలో ఉంటే ఎంత కామెడీగా ఉంటుందో అనిపిస్తున్న ఆ ఫోటోల్ని మీరే చూడండి