English | Telugu
మెగాస్టార్ కత్తి ఆగిందా..?
Updated : Feb 23, 2016
మెగాస్టార్ చిరంజీవి 150వ సినిమా పరిస్థితి కూడా సినిమా కథలా తయారైంది.ఒకసారి కథ లేదని, ఇంకోసారి కథ దొరికిందని, మరోసారి రీమేక్ అని, ఇలా రకరకాల ఊహాగానాలు చిరు రీఎంట్రీ చుట్టూ తిరుగుతున్నాయి. లేటెస్ట్ గా, చిరు 150 చిత్రంగా కత్తిని తీయట్లేదని రూమర్ ఫిల్మ్ నగర్లో చక్కర్లు కొడుతోంది. స్టోరీ ప్రకారం, కత్తిలో హీరో పాత్రలు రెండుంటాయి. రెండింటిలో ఒకటి చాలా మంచివాడి పాత్ర. మరొకటి దొంగోడి పాత్ర. తనకున్న ఇమేజ్, పొలిటికల్ స్టాటస్ బట్టి చూస్తే, అలాంటి పాత్ర తనకు సెట్ కాదేమోనని చిరు అనుమానం వ్యక్తం చేస్తున్నారట. ఇప్పటికే ఈ పాత్రను తనకు తగ్గట్టుగా మార్చమని చిరు చెప్పినా, డైరెక్టర్ వినాయక్ మాత్రం సినిమా ఒరిజినాలిటీ దెబ్బ తింటుందని భయపడుతున్నారట. కత్తి స్టోరీ ఇష్యూ కూడా సినిమాకు స్పీడ్ బ్రేకర్ లా మారింది. దీంతో ఇప్పుడు కత్తి రీమేక్ భవిష్యత్తు అయోమయంలో పడింది. మరో వైపు ప్రస్తుతం కూతురు శ్రీజ పెళ్లిపనుల్లో ఉండి, ప్రాజెక్ట్ ను మెగాస్టార్ పక్కన పెట్టారని, పెళ్లి అయిపోగానే, ప్రాజెక్ట్ పట్టాలెక్కుతుందని కొంతమంది అంటున్నారు. మరి ఏది నిజమో, ఈ పెళ్లి హడావిడి ముగిసే వరకూ తెలియదు.