బాలీవుడ్ బాజీరావ్ రణ్ వీర్ సింగ్ అంటే అమ్మాయిలు పడి చచ్చిపోతుంటారు. అందుకు కారణం లేకపోలేదు. రణ్ వీర్ మాటలు చేతలు నాకు కూడా ఇలాంటి లవర్ ఉండాలి అని అమ్మాయిలు కోరుకునేలా ఉంటాయి. తాజాగా, అలాంటి పనే ఇంకొకటి చేశాడు ఈ కండల వీరుడు. తన ప్రేయసి దీపికా పడుకునే తో వాలెంటైన్స్ డే ను స్పెండ్ చేయడం కోసం, ఆమెకు సర్ ప్రైజ్ ఇస్తూ టోరంటో లో వాలిపోయాడు. అక్కడ ఒక ఫ్యాన్ రణ్ వీర్ తో సెల్ఫీ తీసుకుని సోషల్ నెట్ వర్కింగ్ సైట్ లో పెట్టడంతో, విషయం బయటికి వచ్చింది.

ఇప్పటికే దీపిక రణ్ వీర్ లు పీకల్లోతు ప్రేమలో మునిగి తేలుతున్నారనే విషయం అందరికీ తెలిసిందే..లవర్ ను వదిలి కొన్ని రోజులు కూడా ఉండలేకపోతున్నాడు అంటూ బాలీవుడ్ జనాలు కిసుక్కుమంటున్నారు.. అతని లేడీ ఫ్యాన్స్ మాత్రం హౌ స్వీట్ అంటూ రణ్ వీర్ పై పొగడ్తలు కురిపిస్తున్నారు. హాలీవుడ్ లో తన మొదటి సినిమా ' xXx : ది రిటర్న్ ఆఫ్ ది గ్జాండర్స్ ' షూటింగ్ కోసం దీపికా పదుకునే కొద్ది రోజుల క్రితం టోరంటో వెళ్లిన సంగతి తెలిసిందే..