English | Telugu
టాలీవుడ్ లో అనుష్క నామ జపం!!
Updated : Nov 2, 2015
''సైజ్ జీరో’ ఆడియో ఫంక్షన్లో యూనిట్ సభ్యులు, అతిథులు అందరిదీ ఒక్కటే మాట.. అనుష్క లాంటి హీరోయిన్ని ఇంతవరకు చూడలేదు. శ్యాప్ ప్రసాద్ రెడ్డి అయితే ఐదు నిమిషాల పాటు ఆపకుండా అనుష్కను పొగిడాడు. ‘‘తెలుగులో ఓ డిఫరెంట్ కమర్షియల్ సినిమా చేయాలంటే అనుష్క తప్ప మరో ఛాయిస్ లేదు. అరుంధతి సినిమా విషయంలో కోడి రామకృష్ణకు అనుష్క తప్ప ఇంకెవరూ కనిపించలేదు. బాహుబలి విషయంలో రాజమౌళికి - రుద్రమదేవి విషయంలో గుణశేఖర్ కు ఇప్పుడు సైజ్ జీరో విషయంలో ప్రకాష్ కోవెలమూడికి అనుష్కే ఛాయిస్ అయ్యింది. అనుష్క తెలుగు సినిమా చరిత్రలో నిలిచిపోతుంది. మనం ఎన్నో ఏళ్ల పాటు ఆమెను గుర్తుంచుకుంటాం. అనుష్క చాలా గ్రేట్ ఆర్టిస్ట్. ఆమె స్క్రీన్ ప్రెజెన్స్ అద్భుతం. అరుంధతి సినిమా ఇంటర్వెల్ కు ముందు అలా నడిచొస్తుంటే చాలు ఆమె డైలాగ్ చెప్పకపోయినా అద్భుతంగా అనిపించింది. అంత గొప్ప స్క్రీన్ ప్రెజెన్స్ ఆమెది. అలాంటి నటి ఎక్కడా లేదు. టిపికల్ ఇండియన్ అందం ఆమెది. అలాంటి నటి ఉండటం మన అదృష్టం’’ అంటూ తన జేజెమ్మను ఆకాశానికెత్తేశాడు శ్యామ్.