Read more!

English | Telugu

తిరుపతిలో ఘనంగా 'ఆదిపురుష్' ప్రీరిలీజ్ ఈవెంట్!

రెబల్ స్టార్ ప్రభాస్ శ్రీరాముడి పాత్రలో కనువిందు చేయనున్న చిత్రం 'ఆదిపురుష్'. టి.సిరీస్ అత్యంత భారీ బడ్జెట్ తో నిర్మిస్తున్న ఈ చిత్రానికి ఓం రౌత్ దర్శకుడు. ఇందులో సీతగా కృతి సనన్, రావణుడిగా సైఫ్ అలీ ఖాన్ నటిస్తున్నారు. ఈ చిత్రం జూన్ 16న ప్రేక్షకుల ముందుకు రానుంది. తెలుగులో ఈ చిత్రాన్ని యూవీ క్రియేషన్స్ విడుదల చేయనుంది. ఇటీవల ఈ సినిమా నుంచి విడుదలైన ట్రైలర్ కి, జై శ్రీరామ్ పాటకి విశేష స్పందన లభించింది. ఇక ఇప్పుడు ఈ మూవీ ప్రీరిలీజ్ ఈవెంట్ కి ముహూర్తం ఖరారైంది.

'ఆదిపురుష్' ప్రీరిలీజ్ వేడుకను జూన్ 6న తిరుపతిలో ఘనంగా నిర్వహించబోతున్నట్లు తాజాగా మేకర్స్ ప్రకటించారు. అయితే ఈ వేడుకకు మూవీ టీమ్ తో పాటు ఎవరైనా ప్రముఖులు ముఖ్య అతిథులుగా హాజరవుతారా లేదా అనే దానిపై క్లారిటీ ఇవ్వలేదు. సినిమా విడుదలకు పది రోజుల ముందే తిరుపతిలో ప్రీరిలీజ్ వేడుకను నిర్వహిస్తున్న మూవీ టీమ్.. ఆ తర్వాత హైదరాబాద్, ముంబై సహా ఇతర ప్రధాన నగరాల్లో పలు ప్రమోషనల్ ఈవెంట్స్ నిర్వహించే అవకాశముంది.

'ఆదిపురుష్' సినిమా పాన్ ఇండియా రేంజ్ లో తెలుగు, హిందీ, తమిళ్, కన్నడ, మలయాళ భాషల్లో విడుదల కానుంది. ఈ సినిమాతో మరోసారి ప్రభాస్ రూ.1000 కోట్ల గ్రాస్ క్లబ్ లో చేరడం ఖాయమనే అంచనాలు ఉన్నాయి. ఆ అంచనాలను నిజం చేస్తూ ప్రభాస్ ఆ ఫీట్ సాధిస్తాడేమో చూడాలి.