English | Telugu
రవిబాబు శిష్యుడికి ఛాన్స్ ఇచ్చిన విష్ణు
Updated : Apr 3, 2015
ప్రస్తుతం దేవా కట్ట దర్శకత్వంలో ‘డైనమైట్’ చిత్రంలో బిజీగా ఉన్న మంచు విష్ణు, తన నెక్స్ట్ మూవీకి కూడా గ్రీన్ సిగ్నల్ ఇచ్చినట్లు సమాచారం. రవిబాబు వద్ద శిష్యరికం చేసిన హనుమాన్` ఈ చిత్రంతో దర్శకుడిగా పరిచయమవుతున్నారు. ఈ చిత్రంలో విష్ణు సరసన నటించేందుకు ఓ అగ్ర కథానాయికని ఎంపిక చేయనున్నారు. చిత్ర దర్శకుడు ముప్పరాజు హనుమాన్ మాట్లాడుతూ... ‘ఒక మంచి కథతో ఈ చిత్రాన్ని తెరకెక్కించనున్నాను. మంచు విష్ణు ఈ కథను సింగిల్ సిట్టింగ్లో ఓకె చేశారు. ఆయన ఈ సినిమాలో ఒక పవర్ఫుల్ రోల్లో కనిపించనున్నారు. నేటి సమాజంలోని ఒక తీవ్రమైన సమస్యకు ఈ చిత్రంలో సమాధానం చెప్పనున్నాం. భారీ బడ్జెట్తో రూపొందనున్న ఈ యాక్షన్ ఎంటర్టైనర్కు సంబంధించి ఆర్టిస్టులు, టెక్నీషియన్ల వివరాలు త్వరలో తెలియజేస్తాం’ అన్నారు!