English | Telugu
మహేష్ని పట్టేస్తాడా.. ఏంటీ?
Updated : Aug 26, 2015
సురేందర్రెడ్డి మంచి టెక్నీషియన్. కథ చెప్పే విధానం చాలా బాగుంటుంది. రివర్స్ స్ర్కీన్ ప్లేని సమర్థంగా ఉపయోగించుకొన్న తెలుగు దర్శకుడాయన. కిక్, రేసుగుర్రంలాంటి సూపర్ డూపర్ హిట్లు ఆయన ఖాతాలో ఉన్నాయి. అయితే కిక్ 2తో సురేందర్రెడ్డి బాగా నిరాశ పరిచాడు. ఆ సినిమాకి పెట్టుబడి పెరిగిపోయిందని కొందరు, సురేందర్రెడ్డి మనసు పెట్టి తీయలేకపోయాడని మరికొందరు విమర్శించారు.
ఇది సురేందర్రెడ్డడి సినిమానేనా అనే అనుమానమూ వచ్చింది. తదుపరి సినిమా చరణ్తో కమిటయ్యాడు కాబట్టి సరిపోయింది, లేదంటే బడా స్టార్లు అంత తేలిగ్గా సూరికి అవకాశాలు ఇచ్చేవాళ్లు కాదేమో. అయితే ఇప్పుడు ఈ దర్శకుడి దృష్టి మహేష్ బాబుపై పడింది. మహేష్తో బాండు టైపు కథ చేయాలని ఉందని తన మనసులోని మాట బయటపెట్టాడు సురేందర్రెడ్డి.
బాండ్ సినిమాని చేయాలని మహేష్ ఎప్పటి నుంచో అనుకొంటున్నాడు. కృష్ణ కోరికా అదే. అందుకే ఆ దారిలో ఆలోచిస్తే మహేష్ బుట్టలో పడిపోతాడని సురేందర్రెడ్డి ఫీలవుతున్నాడు. అది అంత ఈజీ కాదు. చరణ్ సినిమాని రేసుగుర్రంలా హిట్ చేస్తే తప్ప, మహేష్ డేట్లిచ్చే ఛాన్సే లేదు. మరి సూరి ఏం చేస్తాడో చూడాలి.