English | Telugu
'ఆహా'లో 'సమ్మతమే'
Updated : Jul 7, 2022
కిరణ్ అబ్బవరం, చాందిని చౌదరి జంటగా నటించిన సినిమా 'సమ్మతమే'. గోపినాథ్ రెడ్డి డైరెక్ట్ చేసిన ఈ రొమాంటిక్ ఎంటర్టైనర్ జూన్ 24న విడుదలై పర్లేదు అనే టాక్ తెచ్చుకుంది. ఇప్పుడు ఈ సినిమా మూడు వారాలకే ఓటీటీలో అలరించడానికి సిద్ధమవుతోంది.
"మనకు నచ్చిన వ్యక్తిని లైఫ్ పార్టనర్ చేసుకోవాలి అనుకోవడంలో తప్పులేదు. కానీ ఆ వ్యక్తి లైఫ్ ని మనం కంట్రోల్ చేయాలనుకోవడం తప్పు" అనే పాయింట్ తో 'సమ్మతమే' తెరకెక్కింది. మన జీవితంలోకి వచ్చే అమ్మాయి ఇష్టాలను మనం గౌరవించాలి అనే విషయాన్ని ఈ చిత్రం ద్వారా తెలియజేశాడు దర్శకుడు. ఓ వర్గం ప్రేక్షకులను బాగానే ఆకట్టుకున్న ఈ చిత్రం ఇప్పుడు ఓటీటీలోకి రాబోతోంది. ప్రముఖ ఓటీటీ వేదిక ఆహాలో ఈ నెల 15 నుంచి సమ్మతమే స్ట్రీమింగ్ కానుంది.
యూజీ ప్రొడక్షన్స్ బ్యానర్ పై కనకాల ప్రవీణ నిర్మించిన ఈ సినిమాకి శేఖర్ చంద్ర సంగీతం అందించాడు. ఈ సినిమాకి సినిమాటోగ్రఫర్ గా సతీష్ రెడ్డి మాసం, ఎడిటర్ గా విప్లవ్ నైషధం వ్యవహరించారు.