స్టార్ హీరోయిన్ రష్మిక మందన్నా(rashmika mandanna)కన్నడ నాట తెరకెక్కిన'కిరాక్ పార్టీ'అనే మూవీతో సినీరంగ ప్రవేశం చేసిన విషయం తెలిసిందే. కాంతారా ఫేమ్ రిషబ్ శెట్టి దర్శకత్వంలో తెరకెక్కిన ఈ మూవీ సూపర్ డూపర్ సక్సెస్ గా నిలవడమే కాకుండా మంచి వసూళ్ళని కూడా రాబట్టింది.ఇక రష్మిక నటనకి అయితే ప్రతి ఒక్కరు ఫిదా అవ్వడంతో పాటుగా ఆమె కెరీర్ కి కూడా 'కిరాక్ పార్టీ' బలమైన పునాది వేసిందని చెప్పవచ్చు.

ఇక ఈ మూవీ 2016 డిసెంబర్ 30 న రిలీజ్ అయ్యింది.దీంతో ఎనిమిది సంవత్సరాలైన సందర్భంగా రిషబ్ శెట్టి సోషల్ మీడియా వేదికగా 'కిరాక్ పార్టీ' సినిమా పోస్టర్ ని షేర్ చేస్తు ఎనిమిది సంవత్సరాలక్రితం,హృదయాలను తాకిన మరియు లెక్కలేనన్ని జ్ఞాపకాలను సృష్టించే ప్రయాణం ప్రారంభమైంది.కిరాక్ పార్టీని చాలా ప్రత్యేకం చేసిన మీ ప్రేమ మరియు మద్దతుకి ధన్యవాదాలు అంటూ 'ఎక్స్' వేదికగా షేర్ చేసాడు.కాకపోతే పోస్టర్ లో రష్మిక ఫోటో లేదు.దీంతో రష్మిక అభిమానులు రిషబ్ శెట్టి తీరుపై ఫైర్ అవుతు సోషల్ మీడియా వేదికగా కామెంట్స్ చేస్తున్నారు.కిరాక్ పార్టీ సమయంలోనే ఇందులో హీరోగా చేసిన రక్షిత్, రష్మిక లు ప్రేమలో పడ్డారు.ఇద్దరికీ ఎంగేజ్ మెంట్ కూడా జరిగింది.కానీ పెళ్లి పీటలు ఎక్కకుండానే అనుకోని కారణాల వల్ల విడిపోయారు.

రష్మిక ఇటీవలే పుష్ప 2 తో భారీ విజయాన్ని అందుకుంది.ప్రస్తుతం ఆమె చేతిలో ది డార్లింగ్, సికిందర్,రెయిన్ బో,చావా, కుబేర వంటి పలు క్రేజీ ప్రాజెక్ట్స్ ఉన్నాయి.